Resei prezidenti Vladimir Pýtin Qazaqstanmen aradaǵy saýda-sattyqty tejep turǵan sebepterdi atady, - dep habarlaidy kaz.tengrinews.kz tilshisi.
Vladimir Pýtinniń sózinshe, qazirgi tańdaǵy Resei jaǵynan joldyń bolmaýy jáne Qazaqstanmen shekaradaǵy ótkizý pýnktteriniń tarlyǵy eki el arasyndaǵy saýda qatynastaryn tejep otyr.
"Resei men Qazaqstan ózara saýda-sattyqty liberalizatsiialaý máselesi boiynsha birshama ilgeriledi. Eýraziialyq ekonomikalyq odaqtaǵy ózge seriktestermen birige taýar, qyzmet, kapital men jumys kúshiniń qozǵalysyna bóget bolatyn shekteýlerdi birtindep joiyp jatyrmyz. Degenmen ondai máseleler kóp. Men qazir ǵana Nursultan Ábishulyna keshegi Orynborda ótken reseilik biznes ókilderimen kezdesýim jaily aityp otyrǵanmyn. Biz baiaǵyda sheship qoiǵanbyz dep oilaǵan dúnieler bar. Bul taýar, qyzmet pen kapital qozǵalysyna bóget bolatyn tek infraqurylym máseleleri. Shekaradan asýǵa bailanysty qarapaiym jailar. Bizde shekara da joq dese bolady. Joq, ol bar eken, shekteýler de bar, sonyń ishinde infraqurylymdyq shekteýler", - dedi Pýtin Astanada ótip jatqan forýmda.
"Mine, Nursultan Ábishuly biledi, az ǵana bolyp kezdesken ortada aityldy. Qazaqstan jaǵynan jol salynǵan, bizdiń jaqtan, ókinishke qarai, áli joq. Ótkizý pýnktteri de tolyqtai jumys istei alatyndai emes, tar bolyp tur", - dep aita ketti ol.
