Qazaqstan men Reseide týristerdiń qyzyǵýshylyǵyn týdyratyn jerlerdiń múmkindigin keńinen paidalaný kerek. Bul týraly týrizm salasyn damytý taqyrybyna arnalǵan Qazaqstan men Reseidiń Óńiraralyq yntymaqtastyǵynyń XV forýmynda RF Prezidenti Vladimir Pýtin málim etti, dep habarlaidy QazAqparat.
«Qazaqstan men Resei aýmaǵynda týristerdiń qyzyǵýshylyǵyn týdyratyn keremet jerler barshylyq. Osyndai ǵajaiyp jerler turǵanda, alys elderge saparlaý kerek pe? Árine, álemde tartymdy baǵdarlar az emes, dúniejúzine tanylǵan týristik ortalyqtar bar. Alaida Qazaqstan men Resei jerindegi tabiǵi áralýandyqty basqa elderden tappaisyzdar», - dedi V. Pýtin.
Osy oraida ol biregei ári ekologiialyq taza demalys oryndaryna adamdar kóptep tartylatynyn sóz etti.
«Bul turǵyda ásemdigi kózdi arbaityn keremet jerler boiynsha biz álemdegi eń bai adamdarmyz. Jalpy, osy baǵyttaǵy jumystardyń qarqynyn údete túsý kerek. Bul salada bizdiń áleýetimiz joǵary», - dep túidi Vladimir Pýtin.
Budan buryn habarlanǵandai, Petropavldaǵy forým aiasynda Nursultan Nazarbaev pen Vladimir Pýtin birqatar qujatqa qol qoidy.
Sonymen qatar RF basshysy kelesi Qazaqstan men Reseidiń Óńiraralyq forýmy Ombyda ótetinin málim etti.
