Ońtústik Koreiada Qazaqstan azamaty qaitys boldy, dep habarlaidy "Ult aqparat".
«Bizdiń bul málimetten habarymyz bar. Ol syrqattan kóz jumdy. Koreiadaǵy Qazaqtan elshiliginiń málimetine sáikes 21 aqpanda elshiliktiń konsýldyq bólimine QR azamaty - onyń kúieýi kelip, óz jubaiynyń qaitys bolǵanyn memlekettik tirkeýge engizýdi ótindi. Ol Pýsanda biraz ýaqytqa sozylǵan aýrýdan kóz jumǵan», - dedi QR SIM resmi ókili Aibek Smadiiarov vedomstvoda ótken baspasóz máslihatynda.
Aibek Smadiiarov sonymen qatar konsýldyq tarapynan birden memlekettik qyzmet kórsetilgenin aityp ótti.
«25 aqpan kúni elshilik qaitys bolǵan áieldiń kúieýinen jergilikti klinikaǵa meditsinalyq qyzmet úshin 15 million koreilik von, iaǵni 40 myń dollar bólý týraly taǵy ótinish tústi. QR azamattarynyń qaryzyn jabý úshin shekaradan tys mekemeler men SIM-de qarajat qarastyrylmaidy. Alaida atalǵan otbasynyń qarjylyq qiyndyǵyn eskere otyryp, elshilik klinikaǵa jeńildik berýdi ótinip, hat joldady. Shetelge emdelýge ketken bizdiń kóptegen azamat emdelmes buryn klinikamen kelisimge keledi. Ol kelisimde taraptardyń mindettemeleri naqty jazylady. Olar bul mindettemelerdi qatań saqtap, shamasy jetkenshe oryndaýy kerek», - dedi Aibek Smadiiarov.
