COVID-19-dy anyqtaityn PTR testileý quny 4,9 myń teńgege deiin tómendetildi, dep habarlaidy QazAqparat Básekelestikti qorǵaý jáne damytý agenttiginiń baspasóz qyzmetine silteme jasap.
6 jeltoqsanda Ulttyq saraptama ortalyǵy COVID-19-ǵa PTR testileý qyzmetiniń qunyn 6,4-ten 4,9 myń teńgege deiin tómendetti. Ulttyq saraptama ortalyǵy 17 óńirde qyzmet kórsetedi.
PTR test quny Almaty qalasynda (Innova zerthanasy) 6 myń teńgege deiin, Atyraý oblysynda (Interteach, Vestern, Dostar Med Prestij) 7 myńnan 5 myń teńgege deiin tómendetildi.
Básekelestikti qorǵaý jáne damytý agenttiginiń Túrkistan oblysy boiynsha departamenti men Túrkistan qalalyq aýrýhanasynda jasalǵan monopoliiaǵa qarsy komplaens aiasynda atalǵan meditsinalyq mekeme PTR test baǵasyn 7 myńnan 4,9 myń teńgege deiin tómendetti.
Sonymen qatar, respýblika boiynsha filialdary bar iri jelilik zerthanalarda COVID-19 PTR-testileriniń baǵasy burynǵy kúiinde qalyp otyr, ortasha alǵanda - 7,4 myń teńge kóleminde.
Buryn, agenttiktiń aýmaqtyq bólimsheleriniń monopoliiaǵa qarsy komplaens sheńberinde KDL «Olimp» JShS men «Invivo» JShS-men qosqanda 36 naryq sýbektisi 2020 jyldyń qazanynda baǵany 12 myńnan 9 myń teńgege deiin, al keiin 2021 jyldyń aqpanynda 7 myń teńgege deiin tómendetti.
2022 jyldyń birinshi toqsanynda agenttik básekelestik deńgeiin anyqtaý, dominanttardy anyqtaý jáne qyzmetterdiń baǵasyn zertteý maqsatynda COVID-19-dy anyqtaityn PTR testileý naryǵyndaǵy básekelestiktiń jai-kúiine taldaý jasaýdy josparlap otyr.
