Sanitarlyq-epidemiologiialyq baqylaý komitetiniń tóraǵasy Aijan Esmaǵambetova PTR testi tegin etý múmkindigi týraly túsinikteme berdi, dep habarlaidy QazAqparat.
«Vaktsinalaýdan bas tartqan kvazimemlekettik kompaniialardyń qyzmetkerlerin PTR testi apta saiyn óz esebinen tapsyrýǵa májbúrlep jatyr. Nelikten vaktsinatsiia memleket esebinen júrgiziledi, al turǵyndar PTR testileýdi azamattardyń ózderi tóleýi kerek? PTR testini tegin engizý josparlanyp otyr ma», - dep surady BAQ ókilderi.
«Juqpaly aýrýlarmen kúreste birde-bir tásil vaktsinatsiia siiaqty nátije bermeitinin vaktsinatsiia tájiribesi kórsetken. Bul bizdiń negizgi qarýymyz jáne aýrý juqtyrý, aýrýhanaǵa túsý jáne ólim qaýpin boldyrmaýǵa baǵyttalǵan. Konstitýtsiia aiasynda vaktsinatsiia aqysyz meditsinalyq kómektiń kepildendirilgen kólemine kiredi kiredi», - dedi Aijan Esmaǵambetova.
Onyń aitýynsha, Bas memlekettik sanitarlyq dárigerdiń qaýlysymen PTR testileý tegin ótkiziletin adamdardyń 12 sanat bekitilgen.
«Bul - klinikalyq belgisi bar, naýqaspen bailanysta bolǵandar, júkti adamdar. Basqa tulǵalarǵa tegin PTR test qarastyrylmaǵan. Vaktsinatsiia tegin, PTR test memleket biýdjetinen qarjylandyrylmasa da, qazaqstandyqtar vaktsinatsiia men PTR testiiniń bireýin tańdaýǵa quqyǵy bar», - dedi komitet basshysy.
