Mamandardyń aitýynsha, koronavirýs ushaq siiaqty jabyq nysanda jyldam taralady. Sondyqtan ondai jerlerde qaýipsizdikti barynsha kúsheitý qajet, dep habarlaidy QazAqparat.
«Ázirge karantin bitken joq. Jolaýshylardyń qaýipsizdigi mańyzdy. Virýs tez taralatyndyqtan, ushaq siiaqty jabyq nysan, adamdar kóp jinalatyn jerde qaýipsizdik sharalaryn qamtamasyz etýimiz kerek. Ushar aldynda test tapsyrý bas sanitarlyq dárigerdiń talaby. Ol qaýipsizdik úshin jasalýda. Olar virýsty qalai toqtatyp, qalai retteý kerek ekenin biledi. Áleýmettik jelilerde bul talapty qolǵa alý týraly bastamany biz kótergenimiz týraly jazyp jatyr. Shyn máninde bizdiń bul testti dárigerler men naýqastar úshin qoldanbaq bolǵanbyz», - deidi «Olimp» klinikalyq-diagnostikalyq zerthanalar jelisiniń bas direktory Erlan Súleimenov.
Ol ushý aldynda test tapsyrý úshin «Olimp» emes, basqa zerthanalarǵa barýǵa bolatynyn aitty.
«Bizdiń basqa da áriptesterimiz ushý aldynda test tapsyrýǵa qatysty qyzmet kórsetedi. Bizge emes, solarǵa baryp test tapsyrýǵa bolady. Covid-19-dy anyqtaý maqsatynda tegin test tapsyrý úshin emhana, memlekettik uiymdarǵa baratyndar bar. Olar protokol boiynsha jumys isteidi, sondyqtan QR Densaýlyq saqtaý ministrligi bul qyzmet túri tek aqyly túrde bolatynyn málimdedi», - deidi ol.
