Áleýmettik jeliler men messejerlerde feik belsendi taratylýda. Avtordyń aitýynsha, bir nemis dárigeri PTR synaqtar alýǵa arnalǵan zondtardy zerttep, olardan metall qapsyrmalardy tapqan. StopFake.kz bul teoriianyń nege burys ekeni jaily aitady, dep habarlaidy "Ult aqparat".
Keibir paidalanýshylardyń paiymdaýynsha, olar jutqynshaqta qalady jáne 5G signalyn qabyldap, adamnyń oi-sanasyn basqarady.
Birinshiden, PTR synaqtary viskoza anjysy bar arnaiy polistirol zondtardyń kómegimen alynady. Olarda metall bólshekter joq.
Ekinshiden, 5G-di oi-sanany basqarý úshin paidalaný múmkin emes. Bul – jańa býyndaǵy uialy bailanystyń standarty. Ol qazirgi ózimiz daǵdylanǵan 3G jáne 4G printsipimen jumys isteidi. Álemde onyń kómegimen bireýdiń oi-sanasyn basqarǵan jaǵdailar bolǵan joq.
5G ereksheligi – bul format joǵary ótkizý qabilettiligin qamtamasyz etedi, iaǵni keń jolaqty internetti qoljetimdi etedi. Alǵashqy pre-5g bazalyq stantsiiasy 2015 jyly Barselonada iske qosylǵan. 2016 jyly bul tehnologiia birinshi ret Reseide synaldy. Sol kezde derekterdi taratý jyldamdyǵy 4,5 Gbit/sek quraǵan.
Úshinshiden, qoldanystaǵy 3G jáne 4G signaldaryn metall bóligimen ustaý múmkin emes. Bul málimdeme jańa formattaǵy jelige qosylýǵa qatysty. Ol úshin sizge kem degende bir antennasy bar jáne internetke qosyla alatyn smartfon, planshet nemese basqa qurylǵy qajet bolady. Búgingi kúni tek mikroskoppen ǵana kórýge bolatyn kishkentai antennalar joq.
Demek, PTR-testter arqyly 5G metall bólshekterdiń engiziletini týraly málimdeme shyndyqqa janaspaidy.
Bul jańa formattaǵy jeli ainalasyndaǵy alǵashqy mif emes.
Buǵan deiin jeli qoldanýshylary 5G jelileri COVID-19 taratady degen bolatyn. DDSU bul málimdemeni joqqa shyǵardy. Uiymnyń habarlaýynsha, virýstar radio jáne internet signaldary arqyly taralmaidy.
