Foto: Tengrinews.kz/Alihan Sariev
Ishki ister ministrliginiń málimetinshe, otbasynda zorlyq-zombylyq kórsetip, janjal shyǵaratyndar psihologiialyq kómekten keiin túzeledi, dep habarlaidy Kazinform agenttigi.
«Otbasynda zorlyq-zombylyq kórsetken 6 myń quqyq buzýshy sottyń sheshimimen qamaýǵa alyndy. 13 myń otbasy sot barysynda tatýlasty. Politsiia jumysynyń servistik modeline kóshý aiasynda qaýipti otbasynda kúsh kórsetýshilerdi anyqtaý jáne olardy áleýmettendirý jumystary júrgizilip jatyr. Olarǵa jeke túrde psihologiialyq treningterden óz erkimen ótý usynylady», - dedi IIM Ákimshilik politsiia komitetiniń basqarma bastyǵy Rýslan Qarjaspekov ministrlikte ótken baspasóz máslihatynda.
Spikerdiń málimdeýinshe, otbasylyq zorlyq-zombylyq boiynsha 5 myń otbasynyń jaǵdaiy zerttelgen. Nátijesinde 200 kúsh kórsetkish anyqtaldy, onyń ishinde tek 70-i ǵana psihologiialyq kómekke júgingen.
«Aita ketý kerek, psihologiialyq kýrstan ótken otbasylarda turmystyq janjal qaitalanǵan joq. Úkimettik emes uiymdarmen birlesip áleýmettik-quqyqtyq kómek kórsetiletinin eske salamyz. Jábirlenýshiler daǵdarys ortalyqtarynan áleýmettik-quqyqtyq kómek ala alady», - deidi ol.
Odan bólek, IIM ókili osyǵan deiin atqarylǵan jumystardyń nátijesinde turmystyq qylmys 2,5%-ǵa, onyń ishinde kisi óltirý 4%-ǵa jáne aýyr qylmystardyń 10%-ǵa tómendegenin aitty.
