Sheteldegi dini joǵary oqý oryndarynda bilim alǵan stýdentter Qazaqstanǵa qaityp jatyr, - dep habarlaidy kaz.tengrinews.kz tilshisi Jambyl oblystyq prokýratýranyń baspasóz qyzmetine silteme jasap.
Sondai-aq, prokýratýra ókilderi qazirgi ýaqytta oblystyń 25 turǵynynyń sheteldegi dini joǵary oqý oryndarynda jáne dinge degen kózqarasy ózgeshe jáne dástúrli emes oqý oryndarynda bilim alyp jatqanyn aitty.
"Jastar jáne din" jobasyn júzege asyrýdyń aiasynda elimizge shetelde oqyp kelgen 11 stýdent qaitaryldy. Olardyń keibireýlerine teologiialyq oqý oryndarynda bilim alýǵa múmkindik berilse, basqalary jumyspen qamtamasyz etildi.
Sonymen qatar, prokýratýradaǵylar sottalǵandarmen qalai jumys istep jatqandaryn aitty. "Sońǵy úsh jylda burynǵy sottalǵandardyń 99 qylmys, 120-dan asa ákimshilik quqyqbuzýshylyqtyń jasaǵany anyqtaldy. Sondai-aq, 198 adam túrmege qaitaryldy. Biraq munyń barlyǵyn aldyn alýǵa bolar edi ǵoi", - dedi baspasóz qyzmetindegiler.
Prokýratýra ókilderiniń aitýynsha, túrmeden bosatylǵan 270-ten asa adam jumyspen qamtamasyz etilgen. Sondai-aq, olar alǵash ret prokýratýra men sottyń qylmystyq is jasaǵan er adamǵa qatysty kepilgerlik printsipin qoldanǵanyn aitty. Mysaly, qylmys jasaǵan adamnyń ákesi qylmystyq jaýapkershilikti óz moinyna alyp (biraq olar bostandyqta bolady), kepil retinde 848 400 teńge tólegen.
Tolyǵyraq: https://kaz.tengrinews.kz/kazakhstan_news/prokurorlar-sheteldeg-dni-jogaryi-oku-oryindaryindagyi-274980/
Materialdy kóshirip basqanda Kaz.tengrinews.kz saityna gipersilteme mindetti túrde qoiylýy tiis. Avtorlyq quqyqty saqtańyz.
