Prokýror sottalýshy Baqytjan Baijanovqa taǵylǵan baptardyń birin alyp tastaýdy surady.
Prokýror aiyptaýshy tarap QR Qylmystyq Kodeksiniń 434-baby (aýyr qylmys týraly habarlamaý) boiynsha Baijanovqa qatysty aiyptaýdan bas tartatynyn málimdedi.
Bul rette aiyptaý qylmystyq Kodekstiń 432-baby boiynsha kúshinde qalady - asa aýyr qylmysty jasyrý.
Sýdia Baijanovqa taǵylǵan aiypty qaita qaraý maqsatynda sot otyrysyn keiinge shegerý sheshimin qabyldady.
Qorǵaýshy tarap sýdianyń sheshimine qarsylyq bildirmeitinin aitty, biraq jańa aiyptaý aktisimen tanysý úshin sottan 2-3 kún ýaqyt berýin surady, óitkeni prokýratýra bir bap boiynsha aiypty jai ǵana alyp tastaǵan joq, ony basqasha tujyrymdap otyr.
"Qarsylyǵymyz joq, biraq jańa ýájder paida bolǵandyqtan, bizge ýaqyt kerek. Biz bul taǵylǵan aiyptaý aktisiniń jazbasha nusqasyn alyp, klientimmen aqyldasýymyz kerek. Sizden 2-3 kún ýaqyt berýińizdi suraimyz", - dedi Baijanovtyń advokaty Ǵaziz Yntyqbaev.
Sýdia aiyptaý aktisin rásimdeý kezinde sot otyrysy sot aktisi rásimdelgen kúnnen bastap úsh kúnnen erte bastala almaitynyn aitty.
