پروكۋرور سوتتالۋشى باقىتجان بايجانوۆقا تاعىلعان باپتاردىڭ بٸرٸن الىپ تاستاۋدى سۇرادى.
پروكۋرور ايىپتاۋشى تاراپ قر قىلمىستىق كودەكسٸنٸڭ 434-بابى (اۋىر قىلمىس تۋرالى حابارلاماۋ) بويىنشا بايجانوۆقا قاتىستى ايىپتاۋدان باس تارتاتىنىن مەلٸمدەدٸ.
بۇل رەتتە ايىپتاۋ قىلمىستىق كودەكستٸڭ 432-بابى بويىنشا كٷشٸندە قالادى - اسا اۋىر قىلمىستى جاسىرۋ.
سۋديا بايجانوۆقا تاعىلعان ايىپتى قايتا قاراۋ ماقساتىندا سوت وتىرىسىن كەيٸنگە شەگەرۋ شەشٸمٸن قابىلدادى.
قورعاۋشى تاراپ سۋديانىڭ شەشٸمٸنە قارسىلىق بٸلدٸرمەيتٸنٸن ايتتى, بٸراق جاڭا ايىپتاۋ اكتٸسٸمەن تانىسۋ ٷشٸن سوتتان 2-3 كٷن ۋاقىت بەرۋٸن سۇرادى, ٶيتكەنٸ پروكۋراتۋرا بٸر باپ بويىنشا ايىپتى جاي عانا الىپ تاستاعان جوق, ونى باسقاشا تۇجىرىمداپ وتىر.
"قارسىلىعىمىز جوق, بٸراق جاڭا ۋەجدەر پايدا بولعاندىقتان, بٸزگە ۋاقىت كەرەك. بٸز بۇل تاعىلعان ايىپتاۋ اكتٸسٸنٸڭ جازباشا نۇسقاسىن الىپ, كليەنتٸممەن اقىلداسۋىمىز كەرەك. سٸزدەن 2-3 كٷن ۋاقىت بەرۋٸڭٸزدٸ سۇرايمىز", - دەدٸ بايجانوۆتىڭ ادۆوكاتى عازيز ىنتىقباەۆ.
سۋديا ايىپتاۋ اكتٸسٸن رەسٸمدەۋ كەزٸندە سوت وتىرىسى سوت اكتٸسٸ رەسٸمدەلگەن كٷننەن باستاپ ٷش كٷننەن ەرتە باستالا المايتىنىن ايتتى.
