Memlekettik aiyptaýshy Qairat Satybaldyulyn alty jylǵa bas bostandyǵynan aiyrýdy surady, - dep habarlaidy Massaget.kz.
Prokýratýra ókili Jangeldi Esenbaev sottan Qairat Satybaldyulynyń murasyn tárkilep jáne belgili bir laýazymdardy atqarý quqyǵynan 10 jyl merzimge aiyryp, alty jylǵa bas bostandyǵynan aiyrýdy surady.
"Jazasy ortasha qaýipsiz mekemede ótelsin, Prezidentke Satybaldyulyn Ulttyq qaýipsizdik organdarynyń general-maiory ataǵynan, sondai-aq, "Qurmet" jáne "Parasat" ordenderinen aiyrý týraly usynys berilsin. Satybaldyulynyń ustalǵan ýaqyty qamaýdaǵy 1 táýlik 1,5 táýlik esebimen jaza merzimine qosylsyn", - dep málimdedi prokýratýra ókili Jangeldi Esebaev.
Qairat Satybaldyuly óz kinásin moiyndaitynyn jáne jasaǵan isine tolyq ókinetinin málimdedi.
Aita keteiik, 13 naýryzda Sybailas jemqorlyqqa qarsy qyzmet "Qazaqtelekom" AQ-nyń laýazymdyq ókiletin asyra paidalaný jáne qarajatyn asa iri mólsherde urlaý deregi boiynsha qylmystyq isti tergep jatqany belgili boldy. Bul qylmystardy jasady degen kúdikpen Qairat Satybaldyuly ustalyp, ýaqytsha ustaý izoliatoryna qamalǵan bolatyn.
Eske salaiyq, buǵan deiin Astanada Qairat Satybaldyulynyń isi boiynsha sot bastalǵany habarlanǵan edi. Keiinirek ol qylmystyq is boiynsha shyǵyndy qaitarǵany belgili boldy.
