QR Bas prokýrorynyń orynbasary B. B. Dembaev Tótenshe jaǵdai kezindegi jáne Nur-Sultan jáne Almaty qalalasyndaǵy karantin rejimine qatysty qazaqstandyqtarǵa úndeý jariialady, dep habarlaidy "Ult aqparat" vedomstvonyń baspasóz qyzmetine silteme jasap.
Koronavirýs pandemiiasyna bailanysty Qazaqstan Respýblikasynyń Prezidenti eldiń búkil aýmaǵynda 2020 jyldyń 16 naýryzynan 15 sáýirine deiin tótenshe jaǵdai engizý týraly Jarlyqqa qol qoidy.
Nur-Sultan jáne Almaty qalalarynda 2020 jylǵy 19 naýryzdan bastap karantin rejimi engizildi. Birqatar sharalar men ýaqytsha shekteýler belgilendi. Olardy oryndamaý ákimshilik jaýaptylyqqa ákep soqtyrady (ÁQBtK-niń 476-baby – 10 AEK aiyppul nemese 15 táýlikke deiin qamaqqa alý).
Tótenshe jaǵdai kezinde bilik ókiliniń zańdy talabyna baǵynbaǵany úshin qylmystyq jaýaptylyq kózdelgenin túsindiremiz (QK-niń 379-baby – 2 myń AEK aiyppuldan 2 jylǵa bas bostandyǵynan aiyrýǵa deiin).
«Halyq densaýlyǵy jáne densaýlyq saqtaý júiesi týraly» kodekstiń 90-babyna sáikes azamattar meditsinalyq uiymdardyń talap etýi boiynsha tekserýden jáne emdelýden ótýge mindetti.
Bas memlekettik sanitarlyq dárigerdiń 2020 jylǵy 16 naýryzdaǵy qaýlysymen statsionarlyq jáne úi karantini engizildi. Olardy iske asyrý maqsatynda ýákiletti organdar epidemiologiialyq jaǵdaiy qolaisyz elderden kelgen adamdardy anyqtaý, oqshaýlaý jáne emdeý boiynsha sharalardy qamtamasyz etýde.
Shekteý is-sharalary, onyń ishinde karantin turǵyndardyń jáne menshik nysanyna qaramastan zańdy tulǵalardyń oryndaýy úshin mindetti. Alaida karantinnen jaltarý, shetelge shyǵý týraly málimetterdi jáne bailanysta bolǵan adamdar týraly aqparatty jasyrý faktileri bar.
Halyqtyń qaýipsizdigin qamtamasyz etý maqsatynda azamattardan ótkiziletin is-sharalarǵa túsinistikpen qaraýdy, Densaýlyq saqtaý ministrligi men IIM qyzmetkerleriniń zańdy talaptaryn saqtaýdy, olarǵa infektsiiany anyqtaý men aldyn alýǵa kómek kórsetýdi suraimyz.
Politsiianyń osyndai talaptaryna baǵynbaǵany úshin ákimshilik jaýaptylyq kózdelgenin atap ótemiz (ÁQBtK-niń 667-baby - 40 AEK-ke deiin aiyppul nemese 10 táýlikke deiin qamaqqa alý).
Sondai-aq, sanitariialyq-epidemiologiialyq qadaǵalaý organdarynyń nusqamalaryn oryndamaǵany (ÁQBtK-niń 462-babynyń 3-bóligi – 500 AEK-ke deiin aiyppul) jáne sanitariialyq erejeler men gigienalyq normalardy buzǵany úshin (ÁQBtK-tiń 425-baby – 5 mln teńgege deiin aiyppul) ákimshilik jaýaptylyq belgilengen.
Bul rette kásipkerlik sýbektilerine qatysty qyzmetin toqtata turý túrindegi jaza qoldanylýy múmkin.
Eger mundai áreketter abaisyzda adamdardy jappai juqtyrýǵa nemese adam ólimine ákep soqsa, onda qylmystyq jaýaptylyq týyndaidy (QK-niń 304-baby – 2 myń AEK aiyppuldan 10 jylǵa bas bostandyǵynan aiyrýǵa deiin).
«Sonymen birge shyndyqqa sáikes kelmeitin málimetterdi taratpaýǵa jáne arandatýshylyqqa berilmeýge shaqyramyz. Aǵymdaǵy jaǵdai týraly shynaiy aqparat ýákiletti memlekettik organdardyń resmi internet resýrstarynda ornalastyrylady», delingen úndeýde.
