Foto: Túrkistan oblysynyń prokýratýrasy
Túrkistanda jer zańnamasynyń saqtalýy boiynsha alqa májilisi ótti, dep habarlaidy oblys prokýratýrasynyń baspasóz qyzmeti.
Túrkistan oblysynyń prokýrory Murat Tleýberdievtiń tóraǵalyǵymen alqa májilisinde jer zańnamasynyń saqtalýy jónindegi másele qaraldy. Májiliste tekserý barysynda anyqtalǵan zańsyzdyqtar men kemshilikterdiń sebep saldary talqylanyp, jergilikti ákimder tarapynan jiberilgen zań buzýshylyqtarǵa nazar aýdaryldy.
— Sońǵy 3 jyl ishinde (2023-2025 jj.) oblys kóleminde jergilikti atqarýshy organdarmen 6 myń gektardan astam (quny 1,8 mlrd teńge) 190 jer ýchaskeleri zańsyz tabystalǵany anyqtaldy. Bul rette, ákimder jer zańnamasynda kózdelgen konkýrs talaptaryn ainalyp ótip, baý-baqsha sharýashylyǵyn júrgizý, jeke qosalqy sharýashylyq jáne qosymsha jer tabystaý jolymen memleket jerlerin zańsyz ielikten shyǵarǵany belgili boldy. Onymen qosa, 400 gektar jerdiń (150 jer ýchaskesi) nysanaly maqsaty zańsyz kásipkerlikke ózgertilgen. Birde bir jaǵdaida sáýlet jáne qala qurylysy qujattamalarynyń talaptary saqtalmaǵan, — delingen habarlamada.
Otyrysta, zańsyz qurylystar, jeke turǵyn úi kezektiligi, jerlerdi utymdy paidalaný máseleleri de talqylandy.
Májilis qorytyndysymen osy salaǵa jaýapty memlekettik organdarǵa tiisti hattamalyq tapsyrmalar berilip, zań buzýshylyqtarǵa jol bergen laýazym ieleriniń jaýapkershiligin qaraý jóninde eskertildi.
Aita keteiik, jer zańnamasynyń saqtalýy oblys prokýratýrasynyń qatań baqylaýynda.
