فوتو: تٷركٸستان وبلىسىنىڭ پروكۋراتۋراسى
تٷركٸستاندا جەر زاڭناماسىنىڭ ساقتالۋى بويىنشا القا مەجٸلٸسٸ ٶتتٸ, دەپ حابارلايدى وبلىس پروكۋراتۋراسىنىڭ باسپاسٶز قىزمەتٸ.
تٷركٸستان وبلىسىنىڭ پروكۋرورى مۇرات تلەۋبەرديەۆتٸڭ تٶراعالىعىمەن القا مەجٸلٸسٸندە جەر زاڭناماسىنىڭ ساقتالۋى جٶنٸندەگٸ مەسەلە قارالدى. مەجٸلٸستە تەكسەرۋ بارىسىندا انىقتالعان زاڭسىزدىقتار مەن كەمشٸلٸكتەردٸڭ سەبەپ سالدارى تالقىلانىپ, جەرگٸلٸكتٸ ەكٸمدەر تاراپىنان جٸبەرٸلگەن زاڭ بۇزۋشىلىقتارعا نازار اۋدارىلدى.
— سوڭعى 3 جىل ٸشٸندە (2023-2025 جج.) وبلىس كٶلەمٸندە جەرگٸلٸكتٸ اتقارۋشى ورگاندارمەن 6 مىڭ گەكتاردان استام (قۇنى 1,8 ملرد تەڭگە) 190 جەر ۋچاسكەلەرٸ زاڭسىز تابىستالعانى انىقتالدى. بۇل رەتتە, ەكٸمدەر جەر زاڭناماسىندا كٶزدەلگەن كونكۋرس تالاپتارىن اينالىپ ٶتٸپ, باۋ-باقشا شارۋاشىلىعىن جٷرگٸزۋ, جەكە قوسالقى شارۋاشىلىق جەنە قوسىمشا جەر تابىستاۋ جولىمەن مەملەكەت جەرلەرٸن زاڭسىز يەلٸكتەن شىعارعانى بەلگٸلٸ بولدى. ونىمەن قوسا, 400 گەكتار جەردٸڭ (150 جەر ۋچاسكەسٸ) نىسانالى ماقساتى زاڭسىز كەسٸپكەرلٸككە ٶزگەرتٸلگەن. بٸردە بٸر جاعدايدا سەۋلەت جەنە قالا قۇرىلىسى قۇجاتتامالارىنىڭ تالاپتارى ساقتالماعان, — دەلٸنگەن حابارلامادا.
وتىرىستا, زاڭسىز قۇرىلىستار, جەكە تۇرعىن ٷي كەزەكتٸلٸگٸ, جەرلەردٸ ۇتىمدى پايدالانۋ مەسەلەلەرٸ دە تالقىلاندى.
مەجٸلٸس قورىتىندىسىمەن وسى سالاعا جاۋاپتى مەملەكەتتٸك ورگاندارعا تيٸستٸ حاتتامالىق تاپسىرمالار بەرٸلٸپ, زاڭ بۇزۋشىلىقتارعا جول بەرگەن لاۋازىم يەلەرٸنٸڭ جاۋاپكەرشٸلٸگٸن قاراۋ جٶنٸندە ەسكەرتٸلدٸ.
ايتا كەتەيٸك, جەر زاڭناماسىنىڭ ساقتالۋى وبلىس پروكۋراتۋراسىنىڭ قاتاڭ باقىلاۋىندا.
