QR Bas áskeri prokýratýrasy Qyzylorda oblysynda tikushaq apaty faktisi boiynsha qylmystyq is qozǵady. Bul týraly Bas prokýrordyń orynbasary Andrei Lýkin málim etti, dep habarlaidy "Ult aqparat".
«Bas áskeri prokýratýra qozǵalǵan qylmystyq is boiynsha tergeý amaldaryn qadaǵalap otyr. Osy oraida túrli saraptalamalar, qajetti tergeý is-qimyldary júrgizilýde. Bul sharalardyń barlyǵy QR Bas prokýrorynyń jeke baqylaýynda ekenin atap ótken jón. Tergeý amaldary áýe sapary erejesin buzý baby boiynsha júrgizilip jatyr», - dedi ol Senattyń jalpy otyrysynan keiin tilshiler saýalyna jaýap bere otyryp.
Eske sala ketsek, keshe keshke Qyzylorda oblysy Jalaǵash aýdanynda Mi-8 tikushaǵy apatqa ushyrady. Áýe kemesi belgisiz sebeptermen qulap, túgi qalmai janyp ketken. Áskeri tikushaqtyń bortynda 13 adam boldy, olardyń barlyǵy qaza tapty.
Qazaqstan Prezidenti Qasym-Jomart Toqaev qaza tapqandardyń otbasyna kóńil aitty.
