قر باس ەسكەري پروكۋراتۋراسى قىزىلوردا وبلىسىندا تٸكۇشاق اپاتى فاكتٸسٸ بويىنشا قىلمىستىق ٸس قوزعادى. بۇل تۋرالى باس پروكۋروردىڭ ورىنباسارى اندرەي لۋكين مەلٸم ەتتٸ, دەپ حابارلايدى "ۇلت اقپارات".
«باس ەسكەري پروكۋراتۋرا قوزعالعان قىلمىستىق ٸس بويىنشا تەرگەۋ امالدارىن قاداعالاپ وتىر. وسى ورايدا تٷرلٸ ساراپتالامالار, قاجەتتٸ تەرگەۋ ٸس-قيمىلدارى جٷرگٸزٸلۋدە. بۇل شارالاردىڭ بارلىعى قر باس پروكۋرورىنىڭ جەكە باقىلاۋىندا ەكەنٸن اتاپ ٶتكەن جٶن. تەرگەۋ امالدارى ەۋە ساپارى ەرەجەسٸن بۇزۋ بابى بويىنشا جٷرگٸزٸلٸپ جاتىر», - دەدٸ ول سەناتتىڭ جالپى وتىرىسىنان كەيٸن تٸلشٸلەر ساۋالىنا جاۋاپ بەرە وتىرىپ.
ەسكە سالا كەتسەك, كەشە كەشكە قىزىلوردا وبلىسى جالاعاش اۋدانىندا مي-8 تٸكۇشاعى اپاتقا ۇشىرادى. ەۋە كەمەسٸ بەلگٸسٸز سەبەپتەرمەن قۇلاپ, تٷگٸ قالماي جانىپ كەتكەن. ەسكەري تٸكۇشاقتىڭ بورتىندا 13 ادام بولدى, ولاردىڭ بارلىعى قازا تاپتى.
قازاقستان پرەزيدەنتٸ قاسىم-جومارت توقاەۆ قازا تاپقانداردىڭ وتباسىنا كٶڭٸل ايتتى.
