Foto: Radmir Fahrýtdinov / Liter.kz
Prokýratýra Jusan tobyn Qazaqstanǵa qaitarýǵa áreket jasap jatyr, - dep habarlaidy "Ult aqparat" Bas prokýratýra baspasóz qyzmetine silteme jasap.
Vedomstvo málimetinshe, Almaty qalasy Bostandyq aýdandyq soty «Pioneer Capital Invest» JShS men Jusan Technologies Ltd arasyndaǵy «First Heartland Jusan Bank» AQ-nyń, sondai-aq onymen bailanysty uiymdardyń aktivterin sheteldik iýrisdiktsiialarǵa berý týraly mámileni jaramsyz dep taný týraly Almaty qalasy prokýrorynyń talap aryzy boiynsha azamattyq is qozǵaǵan.
2022 jylǵy maýsymda Prezident Qasym-Jomart Toqaevtyń tapsyrmasy boiynsha elden zańsyz shyǵarylǵan qarajatty Qazaqstanǵa qaitarý jónindegi vedomstvoaralyq komissiia qurylǵan sátten bastap Bas prokýratýra kapitaldy jymqyrý jáne shet elge shyǵarý derekterin anyqtaý úshin bank sektorynda taldaý júrgizgen.
"Taldaý barysynda «Jusan» tobynyń aktivterin basqarý qurylymyn ózgertýdiń kóleńkeli shemasy anyqtaldy. Osy shemany júzege asyrý nátijesinde toptyń qyzmetin baqylaý quzireti shetelde tirkelgen uiymdarǵa óteýsiz berilgen. Atap aitqanda, 2020 jylǵy 27 sáýirde «Jusan» tobynyń iesi «Pioneer Capital Invest» JShS-nyń qatysýshylarynyń jalpy jinalysynda Pioneer múlkin shetelde tirkelgen Jusan Technologies Ltd kompaniiasynyń jarǵylyq kapitalyna berýdi maquldaý týraly sheshim qabyldanǵan", - delingen habarlamada.
Bul áreketter qoǵamdyq múddelerge, onyń ishinde «Nazarbaev Ýniversiteti» men «Nazarbaev Ziiatkerlik mektepteriniń» ondaǵan myń qazaqstandyq stýdentteri men oqýshylarynyń múddelerine qaýip tóndirgeni aityldy. Sebebi «Jusan» tobynyń aktsiialary, obligatsiialary men depozitteri boiynsha dividendteri - atalmysh oqý oryndaryn qarjylandyrý kózderiniń biri.
Budan bólek, 2023 jylǵy 3 aqpanda Bas prokýratýraǵa birqatar sýbektilerdiń quqyqqa qarsy áreketteriniń saldarynan "Jýsan" toby sheteldik memleketter azamattarynyń baqylaýyna ótip ketý derekteri boiynsha prokýrorlyq qadaǵalaý sharalaryn qabyldaý týraly "Nazarbaev qorynyń" aryzy kelip túsken.
"Osylaisha, prokýratýra organdarynyń maqsaty - tek ádilettilikti qalpyna keltirip, Jusan tobynyń aktivterin basqarýdy Qazaqstannyń quzyryna qaitarý. Sonymen qatar, atalǵan talap aryz Jusan Banktiń jumysyna qatysty emes, iaǵni onyń aǵymdaǵy qyzmetine, sondai-aq banktiń klientteri men iskerlik seriktestikterimen ózara is-qimylyna shekteý qoimaidy. Istiń sotta qaralýy Jusan Banktiń jumysyna áser etpeidi, ol qalypty jaǵdaida jumysyn jalǵastyrady", - delingen habarlamada.
