2017 jylǵy Aziia vitse-chempiony, 2017 jáne 2019 jyldardaǵy álem chempionatynyń qola júldegeri, Tokio Olimpiadasyna qatysýǵa úmitker qaraǵandylyq boksshy Abylaihan Júsipov kásipqoi ringtegi debiýttik jekpe-jekte jeńiske jetti, dep habarlaidy "Ult aqparat".
SULEIMEN Promotions kompaniiasy uiymdastyrǵan Atyraýdaǵy boks keshi aiasynda 2017 jylǵy Aziia vitse-chempiony Tanzaniiadan kelgen, 30-dan astam jekpe-jek ótkizgen tájiribeli Meshak Mvankemvaǵa qarsy shyqty. Birinshi orta salmaqtaǵy jekpe-jek josparlanǵan barlyq alty raýnd boiy ótti. Qazaqstandyq bylǵary qolǵap sheberi sýdialardyń sheshimi boiynsha jeńiske jetti.
Abylaihan Júsipov – ulttyq qurama kóshbasshylarynyń biri. Ol 69 kelige deiingi salmaq dárejesinde Tokioda ótetin 2020 jylǵy Olimpiadaǵa litsenziia jeńip aldy.
Koronavirýs pandemiiasyna bailanysty áýesqoi bokstaǵy jarystarda bos turyp qalýynyń saldarynan boksshy QR Ulttyq Olimpiada komitetinen kásipqoi ringte jekpe-jek ótkizýge ruqsat aldy.
Olympic.kz-ke bergen suhbatta Qazaqstan quramasynyń bas bapkeri Ǵalymbek Kenjebaev Abylaihan Júsipovtiń ónerin joǵary baǵalady.
«Bizdiń boksshylarymyz epidemiialyq jaǵdaiǵa bailanysty Iordaniiada ótken Tokio oiyndaryna aziialyq biliktilikten keiin eshqandai jarystarǵa qatysqan joq. Biraq boksshylarǵa básekelestik tájiribe qajet. Olimpiada oiyndaryna bir jyldan az ýaqyt qaldy. Biz áýesqoilardyń kásipqoi ringte óner kórsetý múmkindiginen sheshim taptyq. Bekzat Nurdáýletov pen Abylaihan Júsipov afrikalyq boksshylarmen kezdesti. Olar fizikalyq jaǵynan myqty. Sonymen qatar, olardyń esebinde kásibi ringte óner kórsetý bar. Júsipov alty raýnd ótkizip, tehnikalyq jáne taktikalyq jaǵynan jeńiske jetti. Mundai kezdesýler ol úshin óte mańyzdy. Ol alty raýndqa shydaitynyn kórsetti», - dep atap ótti bas bapker.
Búgin, 4 qarasha kúni N.Ábdirov ayndaǵy sport saraiynda jýrnalister úshin Abylaihan Júsipovtiń ashyq jattyǵýy uiymdastyryldy.
«Men Qazaqstanda kásibi debiýt ótkizgenime qýanyshtymyn. Biz úshin bul jańa tájiribe boldy, men jattyqtyrýshylardyń úmitin aqtap, olardyń maǵan bergen barlyq keńesterin oryndadym. Aldymen biz Qaraǵandyda daiyndaldyq, sodan keiin Almatyda oqý-jattyǵý jiyndaryn ótkizdik jáne sol jerden Atyraýǵa ushyp kettik. Qarsylasty zerttep, qarap, onyń tóbelesterin baqyladyq. Óte jaqsy boksshy, top-200 quramyna kiredi. Eger múmkindik bolsa, onda ári qarai da kásipqoi ringte óner kórsetetin bolamyz. Biraq qazir basty maqsat - Olimpiada oiyndary. Sondai-aq, 22-29 qarasha aralyǵynda Shymkentte ótetin Qazaqstan chempionatyna daiyndalyp jatyrmyz», - deidi sportshy.
Abylaihan Júsipovtiń jeke bapkeri Baýyrjan Amanbaev ony 8 jasynan bastap jattyqtyrady. Tálimger atap ótkendei, boksshy erte jastan bastap alǵyr jáne tártipti boldy. Jattyqtyrýshysy jekpe-jekti teledidardan kórgen.
«Áýesqoi boks úsh raýndqa, al kásibi alty raýndqa sozylady. Sondyqtan boksshyǵa asyqpai, muqiiat qarap, sodan keiin ǵana áreket etýge keńes berdim, - deidi Baýyrjan Amanbaev. - Abylaihan jaqsy óner kórsetti. Ol jarady! Erte jastan bastap óte alǵyr. Árqashan meniń aitqan barlyq talapty oryndaidy. Bári birden nátije bermedi, biraq ol almai eńbek etti. Kún saiyn biz 2-2,5 saǵattan eki ret ainalysamyz. Qazir biz Olimpiada oiyndary men Qazaqstan chempionatyna daiyndalyp jatyrmyz. Qazaqstanda 69 kg salmaqta básekelestik óte joǵary, jáne árqashan solai bolǵan, qarsylastar jetkilikti, sondyqtan tehnikamen kóbirek jumys isteitin bolamyz». - deidi Baýyrjan Amanbaev.
Abylaihan Júsipov 17 jasynan bokstan Qazaqstan ulttyq quramasyna kiredi. 19-da ol osy sport túrindegi eń jas olimpiadashy boldy. Qazir ol 23 jasta.
