2017 جىلعى ازييا ۆيتسە-چەمپيونى, 2017 جەنە 2019 جىلدارداعى ەلەم چەمپيوناتىنىڭ قولا جٷلدەگەرٸ, توكيو وليمپياداسىنا قاتىسۋعا ٷمٸتكەر قاراعاندىلىق بوكسشى ابىلايحان جٷسٸپوۆ كەسٸپقوي رينگتەگٸ دەبيۋتتٸك جەكپە-جەكتە جەڭٸسكە جەتتٸ, دەپ حابارلايدى "ۇلت اقپارات".
SULEIMEN Promotions كومپانيياسى ۇيىمداستىرعان اتىراۋداعى بوكس كەشٸ اياسىندا 2017 جىلعى ازييا ۆيتسە-چەمپيونى تانزانييادان كەلگەن, 30-دان استام جەكپە-جەك ٶتكٸزگەن تەجٸريبەلٸ مەشاك مۆانكەمۆاعا قارسى شىقتى. بٸرٸنشٸ ورتا سالماقتاعى جەكپە-جەك جوسپارلانعان بارلىق التى راۋند بويى ٶتتٸ. قازاقستاندىق بىلعارى قولعاپ شەبەرٸ سۋديالاردىڭ شەشٸمٸ بويىنشا جەڭٸسكە جەتتٸ.
ابىلايحان جٷسٸپوۆ – ۇلتتىق قۇراما كٶشباسشىلارىنىڭ بٸرٸ. ول 69 كەلٸگە دەيٸنگٸ سالماق دەرەجەسٸندە توكيودا ٶتەتٸن 2020 جىلعى وليمپياداعا ليتسەنزييا جەڭٸپ الدى.
كوروناۆيرۋس پاندەميياسىنا بايلانىستى ەۋەسقوي بوكستاعى جارىستاردا بوس تۇرىپ قالۋىنىڭ سالدارىنان بوكسشى قر ۇلتتىق وليمپيادا كوميتەتٸنەن كەسٸپقوي رينگتە جەكپە-جەك ٶتكٸزۋگە رۇقسات الدى.
Olympic.kz-كە بەرگەن سۇحباتتا قازاقستان قۇراماسىنىڭ باس باپكەرٸ عالىمبەك كەنجەباەۆ ابىلايحان جٷسٸپوۆتٸڭ ٶنەرٸن جوعارى باعالادى.
«بٸزدٸڭ بوكسشىلارىمىز ەپيدەمييالىق جاعدايعا بايلانىستى يوردانييادا ٶتكەن توكيو ويىندارىنا ازييالىق بٸلٸكتٸلٸكتەن كەيٸن ەشقانداي جارىستارعا قاتىسقان جوق. بٸراق بوكسشىلارعا بەسەكەلەستٸك تەجٸريبە قاجەت. وليمپيادا ويىندارىنا بٸر جىلدان از ۋاقىت قالدى. بٸز ەۋەسقويلاردىڭ كەسٸپقوي رينگتە ٶنەر كٶرسەتۋ مٷمكٸندٸگٸنەن شەشٸم تاپتىق. بەكزات نۇردەۋلەتوۆ پەن ابىلايحان جٷسٸپوۆ افريكالىق بوكسشىلارمەن كەزدەستٸ. ولار فيزيكالىق جاعىنان مىقتى. سونىمەن قاتار, ولاردىڭ ەسەبٸندە كەسٸبي رينگتە ٶنەر كٶرسەتۋ بار. جٷسٸپوۆ التى راۋند ٶتكٸزٸپ, تەحنيكالىق جەنە تاكتيكالىق جاعىنان جەڭٸسكە جەتتٸ. مۇنداي كەزدەسۋلەر ول ٷشٸن ٶتە ماڭىزدى. ول التى راۋندقا شىدايتىنىن كٶرسەتتٸ», - دەپ اتاپ ٶتتٸ باس باپكەر.
بٷگٸن, 4 قاراشا كٷنٸ ن.ەبدٸروۆ اىنداعى سپورت سارايىندا جۋرناليستەر ٷشٸن ابىلايحان جٷسٸپوۆتٸڭ اشىق جاتتىعۋى ۇيىمداستىرىلدى.
«مەن قازاقستاندا كەسٸبي دەبيۋت ٶتكٸزگەنٸمە قۋانىشتىمىن. بٸز ٷشٸن بۇل جاڭا تەجٸريبە بولدى, مەن جاتتىقتىرۋشىلاردىڭ ٷمٸتٸن اقتاپ, ولاردىڭ ماعان بەرگەن بارلىق كەڭەستەرٸن ورىندادىم. الدىمەن بٸز قاراعاندىدا دايىندالدىق, سودان كەيٸن الماتىدا وقۋ-جاتتىعۋ جيىندارىن ٶتكٸزدٸك جەنە سول جەردەن اتىراۋعا ۇشىپ كەتتٸك. قارسىلاستى زەرتتەپ, قاراپ, ونىڭ تٶبەلەستەرٸن باقىلادىق. ٶتە جاقسى بوكسشى, توپ-200 قۇرامىنا كٸرەدٸ. ەگەر مٷمكٸندٸك بولسا, وندا ەرٸ قاراي دا كەسٸپقوي رينگتە ٶنەر كٶرسەتەتٸن بولامىز. بٸراق قازٸر باستى ماقسات - وليمپيادا ويىندارى. سونداي-اق, 22-29 قاراشا ارالىعىندا شىمكەنتتە ٶتەتٸن قازاقستان چەمپيوناتىنا دايىندالىپ جاتىرمىز», - دەيدٸ سپورتشى.
ابىلايحان جٷسٸپوۆتٸڭ جەكە باپكەرٸ باۋىرجان امانباەۆ ونى 8 جاسىنان باستاپ جاتتىقتىرادى. تەلٸمگەر اتاپ ٶتكەندەي, بوكسشى ەرتە جاستان باستاپ العىر جەنە تەرتٸپتٸ بولدى. جاتتىقتىرۋشىسى جەكپە-جەكتٸ تەلەديداردان كٶرگەن.
«ەۋەسقوي بوكس ٷش راۋندقا, ال كەسٸبي التى راۋندقا سوزىلادى. سوندىقتان بوكسشىعا اسىقپاي, مۇقييات قاراپ, سودان كەيٸن عانا ەرەكەت ەتۋگە كەڭەس بەردٸم, - دەيدٸ باۋىرجان امانباەۆ. - ابىلايحان جاقسى ٶنەر كٶرسەتتٸ. ول جارادى! ەرتە جاستان باستاپ ٶتە العىر. ەرقاشان مەنٸڭ ايتقان بارلىق تالاپتى ورىندايدى. بەرٸ بٸردەن نەتيجە بەرمەدٸ, بٸراق ول الماي ەڭبەك ەتتٸ. كٷن سايىن بٸز 2-2,5 ساعاتتان ەكٸ رەت اينالىسامىز. قازٸر بٸز وليمپيادا ويىندارى مەن قازاقستان چەمپيوناتىنا دايىندالىپ جاتىرمىز. قازاقستاندا 69 كگ سالماقتا بەسەكەلەستٸك ٶتە جوعارى, جەنە ەرقاشان سولاي بولعان, قارسىلاستار جەتكٸلٸكتٸ, سوندىقتان تەحنيكامەن كٶبٸرەك جۇمىس ٸستەيتٸن بولامىز». - دەيدٸ باۋىرجان امانباەۆ.
ابىلايحان جٷسٸپوۆ 17 جاسىنان بوكستان قازاقستان ۇلتتىق قۇراماسىنا كٸرەدٸ. 19-دا ول وسى سپورت تٷرٸندەگٸ ەڭ جاس وليمپياداشى بولدى. قازٸر ول 23 جاستا.
