D.Serikbaev atyndaǵy ShQTÝ rektory, professor Jasulan Shaimardanov Memleket basshysynyń Joldaýyna qatysty pikir bildirdi, dep habarlaidy QazAqparat.
«Qazaqstan Respýblikasy Prezidentiniń Joldaýy memleketimiz úshin mańyzdy oqiǵalardyń biri ekendigi sózsiz. Óitkeni Qasym-Jomart Toqaev qoǵamymyzdy damytýdyń negizgi baǵyttaryn belgiledi. Prezident zamanaýi tehnologiialardy qazaqstandyq qoǵam ómiriniń barlyq salalaryna belsendi túrde engizýge erekshe mán berip otyr», - dedi Jasulan Shaimardanov.
Onyń aitýynsha, basqarýdyń sýperprezidenttik modeli buryn aqtaldy. Biraq endi el jańa baǵytty basshylyqqa alýy kerek.
«Bul Joldaýdyń elimizde jańa saiasi tártip qurýdyń negizi bolatyny anyq. Búgingi álem óte serpindi. Kóz aldymyzda bári ózgerýde. Ýaqyt synynan qutylý múmkin emes. Joldaýda bar problemalar ashyq aityldy. Olardy sheshýdiń baǵyttary men joldary kórsetildi», - dedi ǵalym.
Óz sózinde ol bul Joldaýda eshqandai oryndalmaityn mindet joq ekendigin jetkizdi.
«Osy jolda barsha azamattar jumyla eńbek etý kerek. Árbir adam óz jumysynda Joldaýda aitylǵan ustanymdar men baǵyttardy nusqaýlyq etýi tiis», - dedi rektor.
