Prezidenttiń «100 naqty qadam» Ult josparynyń 33-shi qadamyn júzege asyrý maqsatynda jáne Bas prokýratýranyń «Resotsializatsiia: Sen qoǵamǵa kereksiń!» jobasy sheńberinde Sozaq aýdanynda probatsiialyq ortalyq ashyldy.
Ortalyqtyń negizgi mindeti – bas bostandyǵynan aiyrý oryndarynan bosatylǵan jáne probatsiia qyzmetiniń esebinde turǵan adamdarǵa áleýmettik-quqyqtyq, meditsinalyq jáne zań turǵysynda kómek kórsetý, jumysqa ornalastyrý, qujattandyrý, zeinetaqy jáne járdemaqylardy rásimdeýge kómektesý. Atalǵan is-sharalardy ortalyqtandyrý, qyzmet atqarý tártibi men rettiligin «bir tereze» qaǵidasy boiynsha jeńildetý. Oblystaǵy probatsiia qyzmeti esebinde turǵandardy baqylaý da ortalyqtyń negizgi mindetteriniń biri. Joba aiasynda aýdan ákimshiligi, prokýratýra jáne ishki ister organymen birlesip is-sharalar jospary bekitilip, ózara áriptestik qarym-qatynasty odan ári damytý jóninde yntymaqtastyq týraly kelisimge qol qoiyldy.
Búginde bas bostandyǵynan aiyrý oryndarynan bosatylǵan jáne probatsiia qyzmetiniń esebinde turǵan adamdarǵa áleýmettik-quqyqtyq jáne ózge de kómekterdi kórsetý úshin turaqty top qurylǵan. Olar probatsiialyq esepte turǵan 6 adamǵa – psihologiialyq, 12 adamǵa – quqyqtyq, onyń ishinde 8-ine jergilikti atqarýshy organ tarapynan bólingen kvota negizinde jumysqa ornalasý úshin qujat daiyndaýǵa kómek kórsetti.
Dáýlet DERIPSALDINOV,
Túrkistan oblystyq prokýratýrasynyń baspasóz hatshysy.
