Memleket basshysynyń tapsyrmasymen Prezidenttik jastar kadr rezervine ekinshi ret irikteý júrip jatyr. Onyń qorytyndysy boiynsha 50 adam iriktelip alynady, dep habarlaidy "Ult aqparat" QR Memlekettik qyzmet isteri agenttigine silteme jasap.
Bul joba jas qazaqstandyqtarǵa óz bilimin is júzinde qoldanyp, el úshin jumsaýǵa múmkindik beredi.
Rezervke alynǵandar saiasi qyzmetke, «A» korpýsynyń ákimshilik qyzmetine, «B» korpýsynyń basshylyq qyzmetterine jáne «B» korpýsynyń A deńgeiindegi qyzmetterge taǵaiyndala alady.
Rezervke alyný úshin úmitkerler birneshe kezeńnen ótedi, sonyń ishinde:
- úmitkerlerdiń qujattaryn qabyldaý
- kúrdeli sandyq jáne mátindik aqparatttarmen jumys isteý qabiletine baǵa berý
- sitýatsiialyq tapsyrmany sheshý;
- quzyretine baǵa berý;
- Saraptama komissiiasynda áńgimelesýden ótý;
- QR Prezidenti janyndaǵy jastar kadr saiasaty jónindegi ulttyq komissiia otyrysy.
Kóptegen kezeńder onlain rejimde ótedi.
Qujat qabyldaý 2021 jyldyń 1-30 qyrkúiegi aralyǵynda júrip jatyr.
Prezidenttik rezervte 3 jyl turady.
Prezidenttik rezervke ilikkender mindetti túrde qyzmetke taǵaiyndalady degen shart joq.
Konkýrstyń erejeleri men talaptary pkrezerv.gov.kz saitynda jariialanǵan.
1 qyrkúiekte irikteýge qatysýǵa 281 azamat ótinish bergen, solardyń arasynda shetelde turyp jatqan otandastarymyz da bar.
Qujattardy qabyldaý 2021 jyldyń 30 qyrkúiegine deiin júredi.
