Shirek ǵasyr buryn, 1996 jyly 29 jeltoqsanda Qazaqstan Respýblikasy Prezidentiniń Teleradiokesheni quryldy, dep habarlaidy QazAqparat.
TRK ujymy alǵashqy kúnnen bastap Memleket basshysynyń qyzmetin, reformalardy iske asyrý barysyn, Prezidenttiń bastamalary men tapsyrmalaryn aýqymdy aqparattyq súiemeldeý boiynsha qoǵamdyq-saiasi kontentti ázirlei bastady.
Memleket basshysynyń qyzmetine qatysty aqparattyń jalǵyz provaideri bola otyryp, TRK óz óniminiń jelisin únemi keńeitip otyrady. Bul – derekti, qysqametrajdy filmder, beinerolikter, sondai-aq qoǵamdyq-saiasi mańyzy bar baǵdarlamalar.
25 jyl ishinde 800-den astam derekti film daiyndaldy, olardyń birqatary respýblikalyq jáne halyqaralyq syilyq pen marapatqa ie boldy. Áleýmettik jelilerde belsendilik Facebook, Instagram, YouTube, Telegram, Tik Tok úshin qajetti kontent ázirlenedi.
TRK Táýelsizdigimizdiń damý tarihy jylnamasynyń – biregei beinemuraǵatynyń quqyǵyn ielenedi.
Teleradiokeshenniń basshysy Raýshan Qajybaevanyń aitýynsha: «Shirek ǵasyrdan beri TRK-niń basty niýsmeikeri Prezident, saiasat pen memlekettiń ideologiiasy bolǵan jáne bolyp qala beredi. TRK jumysynyń negizgi qaǵidaty – shynaiylyq, salmaqtylyq, milliondaǵan aýditoriia úshin aqparattyń qoljetimdi bolýy mańyzdy bolyp qala beredi».
Teleradiokeshenniń ujymy – rejisserler, redaktorlar, grafikalyq dizainerler, prodiýserler, ákimshiler, operatorlar, montajerler, dybys rejisserleri, stsenarister, beinemuraǵat mamandary qazirgi zamanǵy derekti kinoda qoldanylatyn jańa ideialar men tásilderdi únemi izdeýde.
TRK Bas direktory «Biz odan ári damýǵa jáne jańǵyrtýǵa, Qazaqstannyń qoǵamdyq-saiasi dokýmentalistikasy segmentindegi jetekshi mediaresýrs – Memleket basshysynyń aldymyzǵa qoiyp otyrǵan jańa ór maqsattardy sheshýge daiynbyz. Bul turǵyda Teleradiokeshen tarih jylnamashysy ǵana emes, halyq pen memlekettiń mádeni murasynyń mańyzdy bóligi bolyp tabylady», – dep atap kórsetti.
