Foto: Aqorda
Memleket basshysy Qasym-Jomart Toqaevtyń Niý-Iorkke jasaǵan jumys sapary mazmundy ári nátijeli kelissózderge toly boldy. QR Prezidentiniń keńesshisi – Baspasóz hatshysy Rýslan Jeldibai saparda qandai ýaǵdalastyqtarǵa qol jetkizilgeni týraly esep berdi, dep habarlaidy Ult.kz.
Prezident bir kúnniń ishinde sheteldik memleket basshylarymen, halyqaralyq uiymdar jáne jetekshi korporatsiialar ókilderimen 20-dan astam kezdesý ótkizdi.
Sapar aiasynda Qazaqstan men AQSh-tyń iri kompaniialary arasynda jalpy quny 5,2 mlrd dollardy quraityn 11 kelisim men memorandýmǵa qol qoiyldy. Qujattar kólik-logistika, energetika, tsifrlyq tehnologiialar siiaqty strategiialyq mańyzdy salalardy qamtidy.
🔹 PepsiCo Almaty oblysynda 368 mln dollar investitsiia salyp, snek ónimderi zaýytynyń qurylysyn bastady.
🔹 Amazon Kuiper Almaty, Aqkól jáne Aqtaý qalalarynda infraqurylym ornatyp, shamamen 200 mln dollar salýdy josparlap otyr. Joba aiasynda shalǵai óńirlerge joǵary jyldamdyqty internet jetkizilmek.
🔹 Chevron Qazaqstanǵa táýelsizdik jyldary 55 mlrd dollardan astam investitsiia salǵanyn atap ótti.
🔹 Meta, Blackstone, Citigroup, ExxonMobil, Embraer jáne basqa korporatsiia basshylarymen kelissózder júrgizildi.
Sonymen qatar Prezident AQSh basshysy Donald Tramppen jeke kezdesý ótkizip, eki el arasyndaǵy saýda-ekonomikalyq bailanystardy keńeitý máselesin talqylady. Tramp áleýmettik jelidegi jazbasynda qol qoiylǵan kelisimderdiń ishinde jalpy quny 4 mlrd dollar bolatyn 300 lokomotiv óndirisi erekshe mańyzǵa ie ekenin atap ótti.
Qasym-Jomart Toqaev BUU Bas Assambleiasynyń 80-sessiiasy aiasynda BUU Bas hatshysy Antoniý Gýterrishpen, Ýkraina Prezidenti Vladimir Zelenskiimen, Chernogoriia basshysy Iakov Milatovichpen jáne basqa da memleket jáne úkimet ókilderimen kezdesti.
Sapardyń sońynda Prezident FIFA basshysy Djanni Infantinony qabyldap, qazaqstandyq fýtboldy damytýǵa baǵyttalǵan birlesken jobalardy talqylady.
Rýslan Jeldibaidyń habarlaýynsha, Niý-Iorktegi kelissózder Qazaqstannyń halyqaralyq arenadaǵy bedelin arttyryp qana qoimai, el ekonomikasyna jańa serpin beretin mańyzdy qadam boldy.
