QR Prezidentiniń baspasóz hatshysy Berik Ýáli Facebook paraqshasynda Memleket basshysynyń ótken jylǵy Joldaýynda bergen nesie boiynsha shekti mólsherlemelerdi azaitý úshin qosymsha retteý sharalaryn qabyldaý tapsyrmasy tolyq oryndalǵanyn jazdy, dep habarlaidy "Ult aqparat".
Memleket basshysy Qasym-Jomart Toqaev ótken jyly jariia etken «Jańa jaǵdaidaǵy Qazaqstan: Is-qimyl kezeńi» atty Joldaýynda: «Qarjy naryǵyn retteý jáne damytý agenttigi men Ulttyq bank nesie beretin uiymdardyń jaýapkershiligin arttyrý, sondai-aq nesie boiynsha shekti mólsherlemelerdi saralap-jikteý jáne azaitý úshin qosymsha retteý sharalaryn qabyldaý kerek», - dep atap ótken bolatyn.
Osy oraida Berik Ýáli mikroqarjylyq qyzmetti litsenziialaý isi engizilgenin, 201 mikroqarjy uiymyna, 586 lombardqa jalpy 976 litsenziia berilgendigin atap ótedi.
Sondai-aq 3,5 myń kredit berý sýbektisiniń, atap aitqanda, 1 682 lombardtyń, 1 218 kredittik seriktestiktiń, 62 mikroqarjy uiymynyń, 27 onlain-kreditordyń, 556 ózge uiymdardyń qyzmeti toqtatyldy.
Mikroqarjy uiymynyń menshikti kapitalyna qoiylatyn talap 30 millionnan 100 million teńgege deiin kúsheitildi. Syiaqynyń shekti mólsherlemelerin jáne boryshtyq júktemeniń koeffitsientin saqtaýǵa, quryltaishylar men basshy qyzmetkerlerdiń biliktiligine qatysty mikroqarjy uiymdaryna qoiylatyn talaptar qatańdatyldy.
Shekti paiyzdyq mólsherlemeler – kepildi banktik qaryzdar boiynsha 56-dan 40 paiyzǵa deiin, ipotekalyq qaryzdar boiynsha 56-dan 25 paiyzǵa deiin, kepildi mikrokreditter (50 AEK-ke deiingi kólemde 45 kún merzimge deiin) boiynsha 30-dan 20 paiyzǵa deiin tómendetildi.
