قر پرەزيدەنتٸنٸڭ باسپاسٶز حاتشىسى بەرٸك ۋەلي Facebook پاراقشاسىندا مەملەكەت باسشىسىنىڭ ٶتكەن جىلعى جولداۋىندا بەرگەن نەسيە بويىنشا شەكتٸ مٶلشەرلەمەلەردٸ ازايتۋ ٷشٸن قوسىمشا رەتتەۋ شارالارىن قابىلداۋ تاپسىرماسى تولىق ورىندالعانىن جازدى, دەپ حابارلايدى "ۇلت اقپارات".
مەملەكەت باسشىسى قاسىم-جومارت توقاەۆ ٶتكەن جىلى جارييا ەتكەن «جاڭا جاعدايداعى قازاقستان: ٸس-قيمىل كەزەڭٸ» اتتى جولداۋىندا: «قارجى نارىعىن رەتتەۋ جەنە دامىتۋ اگەنتتٸگٸ مەن ۇلتتىق بانك نەسيە بەرەتٸن ۇيىمداردىڭ جاۋاپكەرشٸلٸگٸن ارتتىرۋ, سونداي-اق نەسيە بويىنشا شەكتٸ مٶلشەرلەمەلەردٸ سارالاپ-جٸكتەۋ جەنە ازايتۋ ٷشٸن قوسىمشا رەتتەۋ شارالارىن قابىلداۋ كەرەك», - دەپ اتاپ ٶتكەن بولاتىن.
وسى ورايدا بەرٸك ۋەلي ميكروقارجىلىق قىزمەتتٸ ليتسەنزييالاۋ ٸسٸ ەنگٸزٸلگەنٸن, 201 ميكروقارجى ۇيىمىنا, 586 لومباردقا جالپى 976 ليتسەنزييا بەرٸلگەندٸگٸن اتاپ ٶتەدٸ.
سونداي-اق 3,5 مىڭ كرەديت بەرۋ سۋبەكتٸسٸنٸڭ, اتاپ ايتقاندا, 1 682 لومباردتىڭ, 1 218 كرەديتتٸك سەرٸكتەستٸكتٸڭ, 62 ميكروقارجى ۇيىمىنىڭ, 27 ونلاين-كرەديتوردىڭ, 556 ٶزگە ۇيىمداردىڭ قىزمەتٸ توقتاتىلدى.
ميكروقارجى ۇيىمىنىڭ مەنشٸكتٸ كاپيتالىنا قويىلاتىن تالاپ 30 ميلليوننان 100 ميلليون تەڭگەگە دەيٸن كٷشەيتٸلدٸ. سىياقىنىڭ شەكتٸ مٶلشەرلەمەلەرٸن جەنە بورىشتىق جٷكتەمەنٸڭ كوەففيتسيەنتٸن ساقتاۋعا, قۇرىلتايشىلار مەن باسشى قىزمەتكەرلەردٸڭ بٸلٸكتٸلٸگٸنە قاتىستى ميكروقارجى ۇيىمدارىنا قويىلاتىن تالاپتار قاتاڭداتىلدى.
شەكتٸ پايىزدىق مٶلشەرلەمەلەر – كەپٸلدٸ بانكتٸك قارىزدار بويىنشا 56-دان 40 پايىزعا دەيٸن, يپوتەكالىق قارىزدار بويىنشا 56-دان 25 پايىزعا دەيٸن, كەپٸلدٸ ميكروكرەديتتەر (50 اەك-كە دەيٸنگٸ كٶلەمدە 45 كٷن مەرزٸمگە دەيٸن) بويىنشا 30-دان 20 پايىزعا دەيٸن تٶمەندەتٸلدٸ.
