© Sputnik / Vladislav Vodnev
Qazaqstan prezidentiniń teleradiokesheni "Prezidentti qorǵaý" ("Ohrana prezidenta") derekti filmin jariialady. Film memlekettik kúzet qyzmetiniń 30 jyldyǵyna arnalǵan, dep habarlaidy Sputnik Qazaqstan.
Filmde memlekettik kúzet qyzmeti kimge baǵynaty, prezidenttiń qaýipsizdigin táýlik boiy qamtamasyz etetinderge qandai talap qoiylatyny, memlekettik kúzet qyzmetiniń mindeti kórsetilgen.
"Memleket basshysynyń kúzet qyzmeti foto men videoda kórsetile bermeidi. Qyzmetkerlerdiń túri, olardyń jeke deregi – qupiia aqparat. Alaida olar únemi prezidenttiń janynda júredi. Olardyń jumysynyń qupiia tustary da kórsetilmeidi. Olar memleket basshysynyń qaýipsizdigine jaýapty, demek eldiń búgini men erteńi, turaqtylyǵy da olarǵa tikelei bailanysty", - delingen film sipattamasynda.
Memleket basshysynyń qaýipsizdigin qamtamasyz etetinder ár isin tyńǵylyqty atqarady. Munda usaq-túiekke oryn joq jáne barlyǵy jan-jaqsy úilestirilgen.
"Memlekettik kúzet qyzmeti – memleket basshysynyń qaýipsizdigin qamtamasyz etetin elitaly bólimshe. Sondyqtan prezident kúzet qyzmetine úmitkerler muqiiat qarastyrylady. Intellektýaldyq, moraldyq qasieti, fizikalyq tózimdilikke erekshe nazar aýdarylady", - deidi filmde Murat esimdi bas inspektor.
Aita keteri, filmniń uzaqtyǵy – 21 minýt. Derekti film 21 sáýirde eldegi telearnalardan kórsetiledi.
