Ernar Baspaev Prezidenttiń kómekshisi - Qazaqstan Respýblikasy Prezidenti Ákimshiliginiń Ótinishterdi qaraýdy baqylaý bóliminiń meńgerýshisi laýazymyna taǵaiyndaldy, - dep habarlaidy "Ult aqparat" Aqordaǵa silteme jasap.
"Ernar Baspaev Qazaqstan Respýblikasy Prezidentiniń kómekshisi - Qazaqstan Respýblikasy Prezidenti Ákimshiliginiń Ótinishterdi qaraýdy baqylaý bóliminiń meńgerýshisi laýazymyna taǵaiyndalsyn", - delingen habarlamada.
Aita keteiik, buǵan deiin bul laýazymda qazirgi eńbek jáne halyqty áleýmettik qorǵaý ministri Tamara Dúisenova bolǵan.
Ernar Baspaev 1979 jyly týǵan. Qazaq memlekettik zań akademiiasyn, H. Dosmuhamedov atyndaǵy Atyraý memlekettik ýniversitetin, Resei halyq sharýashylyǵy jáne Memlekettik qyzmet akademiiasyn bitirgen.
Mamandyǵy boiynsha zańger, ekonomika jáne biznes bakalavry, iskerlik ákimshilendirý magistri.
Eńbek jolyn 2001 jyly Ádilet ministrliginiń Avtorlyq quqyqtar jónindegi komitetiniń jetekshi mamany bolyp bastaǵan. 2002 jyldan 2006 jylǵa deiin Ádilet ministrligi Tirkeý qyzmeti komitetiniń halyqty tirkeý jónindegi jumysty uiymdastyrý basqarmasynyń bas mamany, bastyǵynyń orynbasary bolyp jumys istedi.
2006-2010 jyldary Joǵarǵy Sot janyndaǵy Sot ákimshiligi jónindegi komitettiń basqarma basshysy boldy. Joǵarǵy Sot apparatynyń sektor meńgerýshisi, bólim meńgerýshisiniń orynbasary bolyp jumys istedi.
2010 jyly Atyraý oblysy boiynsha Ádilet departamentiniń basshysy bolyp taǵaiyndaldy. 2013-2019 jyldary Atyraý oblysy ákimi apparatynyń basshysy qyzmetin atqardy.
2019-2022 jyldary Qazaqstan Respýblikasy Prezidenti Ákimshiliginiń memlekettik inspektory qyzmetin atqardy.
