Búgin Premer-Ministrdiń orynbasary Eraly Toǵjanovtyń tóraǵalyǵymen 21 qazanda Memleket basshysynyń Qazaqstan halqy Assambleiasy keńesiniń otyrysynda bergen tapsyrmalaryn iske asyrý jóninde Úkimet keńesi ótti, dep habarlaidy "Ult aqparat" Primeminister.kz saityna silteme jasap.
Is-sharaǵa tóraǵa orynbasary – QHA hatshylyǵynyń meńgerýshisi M.Ázilhanov, QR Parlamentiniń depýtattary, ministrlikterdiń basshylary, jergilikti atqarýshy organdardyń ókilderi qatysty.
Premer-Ministrdiń orynbasary halyq tyǵyz ornalasqan óńirlerden eldiń jumys kúshi tapshy óńirlerine azamattardyń erikti túrde qonys aýdarýyn yntalandyrý sharalaryn kúsheitý, ulttyq tilde oqytatyn mektepterde bilingvaldy oqytý modelin engizý, memlekettik tildi oqytýdyń tiimdiligin arttyrý, analar keńesteriniń qyzmetin damytý, jinaqy turatyn etnostardyń Qazaqstan qoǵamyna odan ári integratsiialanýy, etnosaralyq negizde janjaldardyń aldyn alý jáne t. b. boiynsha naqty tapsyrmalar berdi.
Prezidenttiń Qazaqstan halqy assambleiasynyń patriottyq uiym retindegi anyqtamasyn birinshi ret jariia etkenine jáne osy ideiany ilgeriletý boiynsha naqty tapsyrmalar berilgenine erekshe nazar aýdaryldy.
Toǵjanov óńirler ákimdikteriniń etnosaralyq qatynastardy nyǵaitý salasyndaǵy qyzmetin jandandyrýdy, etnostyq nemese tildik negizde azamattardyń quqyqtarynyń buzylýynyń árbir jaǵdaiy boiynsha halyqpen naqty profilaktikalyq jáne aqparattyq-túsindirý jumystaryn júrgizýdi tapsyrdy.
Sondai-aq, Fedor Dostoevskiidiń 200 jyldyǵyna orai estelik is-sharalar uiymdastyrý jáne kórnekti tulǵalar dostyǵynyń tarihi mysaldary arqyly etnostardy rýhani jaqyndastyrý boiynsha júieli jumys júrgizý tapsyryldy.
Prezidenttiń Qazaqstan halqy Assambleiasy keńesiniń otyrysynda bergen tapsyrmalary Úkimettiń qatań baqylaýyna alyndy jáne tapsyrmalardyń jeke hattamasy aiasynda iske asyrylatyn bolady.
