بٷگٸن پرەمەر-مينيستردٸڭ ورىنباسارى ەرالى توعجانوۆتىڭ تٶراعالىعىمەن 21 قازاندا مەملەكەت باسشىسىنىڭ قازاقستان حالقى اسسامبلەياسى كەڭەسٸنٸڭ وتىرىسىندا بەرگەن تاپسىرمالارىن ٸسكە اسىرۋ جٶنٸندە ٷكٸمەت كەڭەسٸ ٶتتٸ, دەپ حابارلايدى "ۇلت اقپارات" Primeminister.kz سايتىنا سٸلتەمە جاساپ.
ٸس-شاراعا تٶراعا ورىنباسارى – قحا حاتشىلىعىنىڭ مەڭگەرۋشٸسٸ م.ەزٸلحانوۆ, قر پارلامەنتٸنٸڭ دەپۋتاتتارى, مينيسترلٸكتەردٸڭ باسشىلارى, جەرگٸلٸكتٸ اتقارۋشى ورگانداردىڭ ٶكٸلدەرٸ قاتىستى.
پرەمەر-مينيستردٸڭ ورىنباسارى حالىق تىعىز ورنالاسقان ٶڭٸرلەردەن ەلدٸڭ جۇمىس كٷشٸ تاپشى ٶڭٸرلەرٸنە ازاماتتاردىڭ ەرٸكتٸ تٷردە قونىس اۋدارۋىن ىنتالاندىرۋ شارالارىن كٷشەيتۋ, ۇلتتىق تٸلدە وقىتاتىن مەكتەپتەردە بيلينگۆالدى وقىتۋ مودەلٸن ەنگٸزۋ, مەملەكەتتٸك تٸلدٸ وقىتۋدىڭ تيٸمدٸلٸگٸن ارتتىرۋ, انالار كەڭەستەرٸنٸڭ قىزمەتٸن دامىتۋ, جيناقى تۇراتىن ەتنوستاردىڭ قازاقستان قوعامىنا ودان ەرٸ ينتەگراتسييالانۋى, ەتنوسارالىق نەگٸزدە جانجالداردىڭ الدىن الۋ جەنە ت. ب. بويىنشا ناقتى تاپسىرمالار بەردٸ.
پرەزيدەنتتٸڭ قازاقستان حالقى اسسامبلەياسىنىڭ پاتريوتتىق ۇيىم رەتٸندەگٸ انىقتاماسىن بٸرٸنشٸ رەت جارييا ەتكەنٸنە جەنە وسى يدەيانى ٸلگەرٸلەتۋ بويىنشا ناقتى تاپسىرمالار بەرٸلگەنٸنە ەرەكشە نازار اۋدارىلدى.
توعجانوۆ ٶڭٸرلەر ەكٸمدٸكتەرٸنٸڭ ەتنوسارالىق قاتىناستاردى نىعايتۋ سالاسىنداعى قىزمەتٸن جانداندىرۋدى, ەتنوستىق نەمەسە تٸلدٸك نەگٸزدە ازاماتتاردىڭ قۇقىقتارىنىڭ بۇزىلۋىنىڭ ەربٸر جاعدايى بويىنشا حالىقپەن ناقتى پروفيلاكتيكالىق جەنە اقپاراتتىق-تٷسٸندٸرۋ جۇمىستارىن جٷرگٸزۋدٸ تاپسىردى.
سونداي-اق, فەدور دوستوەۆسكييدٸڭ 200 جىلدىعىنا وراي ەستەلٸك ٸس-شارالار ۇيىمداستىرۋ جەنە كٶرنەكتٸ تۇلعالار دوستىعىنىڭ تاريحي مىسالدارى ارقىلى ەتنوستاردى رۋحاني جاقىنداستىرۋ بويىنشا جٷيەلٸ جۇمىس جٷرگٸزۋ تاپسىرىلدى.
پرەزيدەنتتٸڭ قازاقستان حالقى اسسامبلەياسى كەڭەسٸنٸڭ وتىرىسىندا بەرگەن تاپسىرمالارى ٷكٸمەتتٸڭ قاتاڭ باقىلاۋىنا الىندى جەنە تاپسىرمالاردىڭ جەكە حاتتاماسى اياسىندا ٸسكە اسىرىلاتىن بولادى.
