QR Prezidentiniń eń qajetti anyqtamalardy tsifrly túrde rastaý tapsyrmasy oryndaldy. Bul týraly QR Prezidentiniń baspasóz hatshysy Berik Ýáli Facebook paraqshasynda jazdy, dep habarlaidy QazAqparat.
Aita keteiik, Memleket basshysy Qasym-Jomart Toqaev 2020 jyldyń 1 qańtaryndaǵy «Jańa jaǵdaidaǵy Qazaqstan: Is-qimyl kezeńi» atty Joldaýynda: «Jyl sońyna deiin eń qajetti anyqtamalardyń qaǵaz túrinde talap etilýin toqtatyp (47-den 30-y), málimetti tsifrly túrde rastaý tásilin qamtamasyz etýdi tapsyramyn... Memlekettik organdar jeke kýálikti, diplomdy, júrgizýshi kýáligin elektrondy túrde qabyldaýǵa tiis», - degen bolatyn.
Al Berik Ýálidiń atap ótýinshe, qazirgi ýaqytta eGov mobile mobildi qosymshasynda tómendegi qujattardyń tsifrlyq nusqasy qoljetimdi:
- Jeke kýálik;
- Júrgizýshi kýáligi;
- Týý týraly kýálik;
- Neke qiiý týraly kýálik;
- Aty-jónin, ákesiniń atyn ózgertý týraly kýálik;
- Neke buzý týraly kýálik;
- Elektrondy tehnikalyq tólqujat;
- PTR taldamasynyń nátijeleri;
- Stýdent bileti;
- Bilim alany týraly diplom.
«Tsifrlyq qujattar qaǵaz túrindegi túpnusqasynyń elektrondy nusqasy QR-kod boiynsha jasalady», - dedi Prezident baspasóz hatshysy.
