Rýslan Jeldibai Prezidenttiń baspasóz hatshysy qyzmetine taǵaiyndaldy, - dep habarlaidy "Ult aqparat" Aqorda saityna silteme jasap.
"Memleket basshysynyń ókimi boiynsha, Rýslan Sultanuly Jeldibai Qazaqstan Respýblikasy Prezidentiniń baspasóz hatshysy laýazymyna taǵaiyndaldy", - delingen Jarlyqta.
Aita keteiik, ol 2022 jyly aqpanda premer-ministr keńsesi basshysynyń orynbasary bolyp taǵaiyndalǵan edi.
Rýslan Jeldibai 1989 jyly Jambyl oblysynda týǵan. Rysqulov atyndaǵy Qazaq ekonomikalyq ýniversitetin, Ýorik ýniversitetin (Ulybritaniia) bitirgen. "Bolashaq" baǵdarlamasynyń túlegi.
Eńbek jolyn 2012 jyly "Qazaqstan" telearnasynda redaktor bolyp bastaǵan. 2012-2018 jyldary - "Almaty" telearnasynda bólim basshysy, prodiýser.
2018-2019 jyldary - QR Aqparat jáne kommýnikatsiialar komitetiniń Internet keńistigindegi jáne áleýmettik jelilerdegi aqparattyq jumys jónindegi basqarma basshysynyń m.a., basshysy.
2019-2020 jyldary - QR Aqparat jáne qoǵamdyq damý ministrliginiń Aqparat komiteti tóraǵasynyń orynbasary.
2020 jyldyń mamyr aiynan bastap qazirgi ýaqytqa deiin QR Prezidenti Ákimshiliginiń Ishki saiasat bólimi meńgerýshisiniń orynbasary bolǵan.
