QR Ekologiia, geologiia jáne tabiǵi resýrstar ministri Serikqali Brekeshev Prezidenttiń 2 mlrd aǵash otyrǵyzý tapsyrmasynyń qalai oryndalyp jatqanyn aityp berdi, dep habarlaidy QazAqparat.
«Orman qorynda 2 milliardtan astam aǵash otyrǵyzý jumystary jalǵasýda. 5 jylǵa arnalǵan keshendi josparlar bekitildi. Ormandy tolyqtyrýdy baqylaý men monitoringileýge arnalǵan interaktivti karta jasaldy. Atap aitqanda, búgingi tańda josparlanǵan 129 mln aǵashtyń 89 milliony otyrǵyzyldy», - dedi S. Brekeshev Úkimet otyrysynda.
Odan basqa, Memleket basshysynyń tapsyrmasymen Aral teńiziniń qurǵaǵan túbine jalpy kólemi 1,1 mln gektar jerge sekseýil otyrǵyzý bastaldy.
«Biyl sekseýil egý 100 myń ga alqapta, kelesi 4 jylda jyl saiyn 250 myń ga alqapta júrgiziletin bolady. Ózbekstan Respýblikasynyń oń tájiribesin qoldana otyryp, biz alǵash ret sekseýildi aero egýdi júrgizýdi josparlap otyrǵanymyzdy atap ótý qajet. Yntymaqtastyq jónindegi tiisti jol kartasyna qol qoiyldy», - dep atap ótti ministr.
