قر ەكولوگييا, گەولوگييا جەنە تابيعي رەسۋرستار مينيسترٸ سەرٸكقالي برەكەشەۆ پرەزيدەنتتٸڭ 2 ملرد اعاش وتىرعىزۋ تاپسىرماسىنىڭ قالاي ورىندالىپ جاتقانىن ايتىپ بەردٸ, دەپ حابارلايدى قازاقپارات.
«ورمان قورىندا 2 ميللياردتان استام اعاش وتىرعىزۋ جۇمىستارى جالعاسۋدا. 5 جىلعا ارنالعان كەشەندٸ جوسپارلار بەكٸتٸلدٸ. ورماندى تولىقتىرۋدى باقىلاۋ مەن مونيتورينگٸلەۋگە ارنالعان ينتەراكتيۆتٸ كارتا جاسالدى. اتاپ ايتقاندا, بٷگٸنگٸ تاڭدا جوسپارلانعان 129 ملن اعاشتىڭ 89 ميلليونى وتىرعىزىلدى», - دەدٸ س. برەكەشەۆ ٷكٸمەت وتىرىسىندا.
ودان باسقا, مەملەكەت باسشىسىنىڭ تاپسىرماسىمەن ارال تەڭٸزٸنٸڭ قۇرعاعان تٷبٸنە جالپى كٶلەمٸ 1,1 ملن گەكتار جەرگە سەكسەۋٸل وتىرعىزۋ باستالدى.
«بيىل سەكسەۋٸل ەگۋ 100 مىڭ گا القاپتا, كەلەسٸ 4 جىلدا جىل سايىن 250 مىڭ گا القاپتا جٷرگٸزٸلەتٸن بولادى. ٶزبەكستان رەسپۋبليكاسىنىڭ وڭ تەجٸريبەسٸن قولدانا وتىرىپ, بٸز العاش رەت سەكسەۋٸلدٸ اەرو ەگۋدٸ جٷرگٸزۋدٸ جوسپارلاپ وتىرعانىمىزدى اتاپ ٶتۋ قاجەت. ىنتىماقتاستىق جٶنٸندەگٸ تيٸستٸ جول كارتاسىنا قول قويىلدى», - دەپ اتاپ ٶتتٸ مينيستر.
