Búgin Ortalyq sailaý komissiiasy Qazaqstan Respýblikasynyń Prezidenttigine kandidat Ámirjan Qosanovtyń Konstitýtsiiada jáne «Qazaqstan Respýblikasyndaǵy sailaý týraly» Konstitýtsiialyq zańynda qoiylǵan talaptarǵa sáikestigin anyqtaý týraly qaýlyny qabyldady.
Qaýlynyń jobasymen Ortalyq sailaý komissiiasynyń múshesi Ihdanov Aqylbek Jámeluly tanystyrdy.
2019 jylǵy 27 sáýirde «Qazaqstan Respýblikasyndaǵy sailaý týraly» Qazaqstan Respýblikasy Konstitýtsiialyq zańynyń 54-babynyń 2 tarmaǵyna jáne 55-babyna sáikes «Ult taǵdyry» birlesken ulttyq-patriottyq qozǵalysy» qoǵamdyq birlestigi Ámirjan Saǵidrahmanuly Qosanovtyń Qazaqstan Respýblikasynyń Prezidenttigine kandidat retinde usynýyna bailanysty onyń tiisti qujattary Qazaqstan Respýblikasy Ortalyq sailaý komissiiasyna tapsyryldy:
- «Ult taǵdyry» birlesken ulttyq-patriottyq qozǵalysy» qoǵamdyq birlestigi joǵarǵy organy otyrysynyń Ámirjan Saǵidrahmanuly Qosanovty Qazaqstan Respýblikasynyń Prezidenttigine kandidat retinde usyný týraly hattamasynan úzindi kóshirme;
- Qazaqstan Respýblikasy Ortalyq sailaý komissiiasynyń shotyna sailaý jarnasyn engizgenin kýálandyratyn qujat;
3. Ámirjan Saǵidrahmanuly Qosanovtyń ómirbaiandyq derekteri, jeke basyn kýálandyratyn qujatynyń, joǵary oqý ornyndaǵy bilimi týraly diplomynyń kóshirmeleri, memlekettik qyzmette nemese memlekettik sailanbaly laýazymdardaǵy jumys tájiribesi týraly málimetter qosa berilgen, onyń Qazaqstan Respýblikasynyń Prezidenttigine kandidat retinde daýys berýge túsýge kelisim bergeni týraly ótinishi.
Qazaqstan Respýblikasynyń Prezidenttigine kandidat Ámirjan Saǵidrahmanuly Qosanovtyń QR Konstitýtsiiasynda jáne «Qazaqstan Respýblikasyndaǵy sailaý týraly» QR Konstitýtsiialyq zańynda belgilengen talaptarǵa sáikestigin tekserýde járdemdesýi úshin ýákiletti memlekettik organdarǵa suraý salynyp tiisti málimetter alyndy.
29 sáýirde Qazaqstan Respýblikasy Ortalyq sailaý komissiiasynda Ámirjan Saǵidrahmanuly Qosanovtyń memlekettik tildi erkin meńgergendiginin anyqtaý jónindegi lingvistikalyq komissiianyń otyrysy bolyp ótti.
Ótkizilgen emtihannyń nátijeleri boiynsha lingvistikalyq komissiia Qazaqstan Respýblikasynyń Prezidenttigine kandidat Ámirjan Saǵidrahmanuly Qosanovtyń memlekettik tildi erkin meńgergendigi jóninde sheshim qabyldady (otyrystyń 29 sáýirdegi № 8 hattamasy).
Ortalyq sailaý komissiiasy Ámirjan Saǵidrahmanuly Qosanovtyń:
1) Ishki ister ministrliginiń Kóshi-qon qyzmeti komitetiniń málimetteri negizinde týmysynan Respýblika azamaty bolyp tabylatyndyǵyn, sońǵy on bes jyl ishinde Qazaqstanda turatyndyǵyn;
2) joǵary bilimi bar ekenin;
3) Bas prokýratýranyń Quqyqtyq statistika jáne arnaiy esepke alý jónindegi komitetiniń málimetteri negizinde:
- sottylyǵynyń joqtyǵyn;
- sot sybailas jemqorlyq qylmys jáne sybailas jemqorlyq quqyq buzýshylyq jasaǵany úshin jaýapqa tartpaǵanyn;
- belsendi sailaý quqyǵyna ie ekendigin;
4) Memlekettik qyzmet isteri jáne sybailas jemqorlyqqa qarsy is-qimyl agenttiginiń málimetteri negizinde memlekettik qyzmette, sondai-aq sailanbaly memlekettik laýazymdarda keminde 5 jyl jumys tájiribesi bar ekendigin anyqtady.
Osy qaýlynyń 1-tarmaǵynda Qazaqstan Respýblikasynyń Prezidenttigine kandidat Ámirjan Saǵidrahmanuly Qosanov ózine Qazaqstan Respýblikasynyń Konstitýtsiiasynda jáne «Qazaqstan Respýblikasyndaǵy sailaý týraly» Qazaqstan Respýblikasynyń Konstitýtsiialyq zańynda qoiylǵan talaptarǵa sáikes keletini belgilendi.
Qaýlynyń 2-tarmaǵynda oblystardyń, respýblikalyq mańyzy bar qalalardyń, Qazaqstan Respýblikasy astanasynyń sailaý komissiialaryna Qazaqstan Respýblikasynyń Prezidenttigine kandidatty qoldaý úshin qol jinaýǵa qol qoiý paraqtaryn Ámirjan Saǵidrahmanuly Qosanovqa berý tapsyryldy.
Qol jinaýdy Prezidenttikke kandidattyń senim bildirgen adamdary júzege asyratynyn jáne ol qol qoiý paraqtarymen resimdeletinin atap ótý qajet.
Senim bildirilgen adamdardyń tirkeýdi aýmaqtyq sailaý komissiiasy Qazaqstan Respýblikasy Ortalyq sailaý komissiiasy qaýlysymen bekitilgen Nusqaýlyǵynyń negizinde júzege asyrady.
