Qazaqstan ortalyq sailaý komissiiasy prezidenttikke kandidattardyń úgit-nasihaty úshin árbirine 7,3 million teńge (19 myń dollardai) beriletinin habarlady. Onyń 5,2 million teńgesi - kandidattyń teledidarda baǵdarlamasyn tanystyrýǵa, 471 200 teńgesi kólik shyǵyndaryna beriledi.
Kandidattardy tirkeý 11 mamyrda aiaqtalýy tiis edi, alaida sailaý komissiiasy 6 mamyrda kandidattyń bári tirkelgenin habarlady. Ortalyq sailaý komissiiasy tóraǵasynyń orynbasary Konstantin Petrovtyń sózinshe, buǵan kandidattardyń talapqa sai ekenin anyqtaýdyń jáne qol jinaýdyń erte aiaqtalýy sebep.
9 maýsymda ótetin kezekten tys prezident sailaýyna jeti kandidat tirkeldi:
- Sádibek Túgel - "Uly dala qyrandary" respýblikalyq qozǵalysy;
- Qasym-Jomart Toqaev - "Nur Otan" partiiasy;
- Amangeldi Taspihov - Qazaqstan kásipodaqtar federatsiiasy;
- Daniia Espaeva - "Aq jol" partiiasy;
- Tóleýtai Raqymbekov - "Aýyl" partiiasy;
- Jambyl Ahmetbekov - Qazaqstan kommýnistik halyq partiiasy;
- Ámirjan Qosanov - "Ult taǵdyry" qozǵalysy.
Qazaqstandyq kei oppozitsiialyq uiymdar erte sailaýǵa boikot jariialaǵan.
Sailaýaldy úgit-nasihat Nur-Sultan ýaqytymen 11 mamyr kúni 18.00-den keiin bastalady.
Derek boiynsha, sailaý ótkizýge biýdjetten 9,4 milliard teńge bólinedi. Bul qarajat respýblika boiynsha ashylatyn 10 myńǵa jýyq sailaý ýchaskesiniń jumysyn uiymdastyrýǵa jumsalady. Ýchaskelerde 70 myńǵa jýyq adam isteidi.
