Qazaqstandyq avtor, Prezidenttik jastar kadrlyq rezervteriniń múshesi, «Bolashaq» halyqaralyq baǵdarlamasynyń túlegi Ábdilda Shámenov zaǵip jandarǵa arnalǵan álipbidi úirenip, oqý múmkindigin beretin apparatty tanystyrdy, dep habarlaidy QazAqparat.
«Búgingi forýmda meniń kótergim kelip otyrǵan másele, zaǵip adamdardyń taǵdyry. Biz búginde tehnologiia damyǵan zaman, barlyq jaǵdai jasalǵan dep jii aitamyz, degenmen kún tártibinde kezek kúttirmei sheshilýi tiis máseleler az emes. Sonyń biri zaǵip jandardyń taǵdyry. Qazirgi ýaqytta Qazaqstanda 86 myń zaǵip jan bar, onyń 9 myńy - balalar. Problemalardyń biri kózi kórmeitin jandarǵa úshin arnaiy oqýlyqtardyń azdyǵy, al qazaq tilinde tipti joq dep aitýǵa bolady», - dedi Shámenov.
Sondai-aq, avtor atalǵan quraldy qalai paidalaný kerektigi týraly aityp berdi.
«Bul quralda qazaq álipbii ornatylǵan, áripterdi basqan kezde dybys shyǵady. Iaǵni «A» árpin bassa ol dybystalady, sol arqyly zaǵip jan barlyq áripterdi tanyp, bile alady. Biz apparatymyzdy elordadaǵy №10 mektepte inkliýzivti bilim berý synybynda aprobatsiiadan sátti ótkizdik. Búginde quraldyń arnaiy sertifikaty da bar. Jáne bul komandalyq jumys», - deidi ol.
