Prezidenttik jastar kadr rezerviniń taǵy tórt ókili basshylyq laýazymǵa taǵaiyndaldy. Bul týraly QR Prezidentiniń kómekshisi Erlan Qarin Telegram paraqshasynda jazdy, dep habarlaidy "Ult aqparat".
«Prezidenttik jastar kadr rezerviniń taǵy tórt ókili basshylyq laýazymǵa, atap aitsaq, Álibek Qýantyrov QR Ulttyq ekonomika vitse-ministri, Ernat Muhamadiev QR Mádeniet jáne sport ministrliginiń apparat basshysy, Abzal Beisenbekuly QR Qarjy ministrliginiń apparat basshysy, sondai-aq Qairat Raiymqulov Aqtóbe oblysy ákimi apparatynyń basshysy qyzmetine taǵaiyndaldy», - dep jazdy Erlan Qarin.
Onyń aitýynsha, Prezidenttik jastar kadr rezervi jasaqtalǵannan beri barlyǵy 176 rezervshi jumysqa ornalastyryldy. Olardyń ishinde 14 saiasi qyzmetshi, «A» korpýsynyń ókilderi - 4, «B» korpýsynyń ókilderi - 87.
Sondai-aq 36 rezervshi túrli memlekettik organdar basshylarynyń shtattan tys keńesshileri laýazymyna taǵaiyndaldy jáne konsýltativtik-keńesshi organdardyń quramyna engizildi.
