Memlekettik qyzmet isteri agenttigi Prezidenttik jastar kadr rezervine irikteýdiń besinshi kezeńi – Sarapshylyq komissiiada áńgimelesý kezeńi bastaldy, dep habarlaidy QazAqparat vedomstvonyń baspasóz hatshysy Erhan Tatkenge silteme jasap.
«Irikteýge suhbattasý qorytyndylary negizinde eń jaqsy nátije kórsetken 100 adam jiberildi. Áńgimelesý kezeńi 3-10 jeltoqsan aralyǵynda QR Memlekettik qyzmet isteri agenttiginde oflain formatta ótedi. Komissiiasynyń múshelerine kandidattardyń tereń suhbatynyń nátijeleri boiynsha qysqasha esepter usynylady», - dep jazdy Erhan Tatken Facebook-tegi paraqshasynda.
Komissiia quramyna memlekettik organdar men QR Prezidenti Ákimshiliginiń qurylymdyq bólimsheleriniń basshylary kirdi. Komissiia otyrysyna baiqaýshylar retinde qoǵam jáne BAQ ókilderi shaqyryldy.
«Sarapshylyq komissiia otyrysynyń qorytyndysy boiynsha 65 kandidattan aspaityn tizim jasalady, olar Ulttyq komissiia otyrysynyń qaraýyna usynylady. Irikteý qorytyndysy boiynsha 50 kandidat rezervke engiziledi. Prezidenttik jastar kadr rezerviniń maqsaty - qoǵamdyq jáne memlekettik múddelerdi basshylyqqa alatyn jas talanttardy anyqtaý», - dedi baspasóz hatshysy.
