مەملەكەتتٸك قىزمەت ٸستەرٸ اگەنتتٸگٸ پرەزيدەنتتٸك جاستار كادر رەزەرۆٸنە ٸرٸكتەۋدٸڭ بەسٸنشٸ كەزەڭٸ – ساراپشىلىق كوميسسييادا ەڭگٸمەلەسۋ كەزەڭٸ باستالدى, دەپ حابارلايدى قازاقپارات ۆەدومستۆونىڭ باسپاسٶز حاتشىسى ەرحان تاتكەنگە سٸلتەمە جاساپ.
«ٸرٸكتەۋگە سۇحباتتاسۋ قورىتىندىلارى نەگٸزٸندە ەڭ جاقسى نەتيجە كٶرسەتكەن 100 ادام جٸبەرٸلدٸ. ەڭگٸمەلەسۋ كەزەڭٸ 3-10 جەلتوقسان ارالىعىندا قر مەملەكەتتٸك قىزمەت ٸستەرٸ اگەنتتٸگٸندە وفلاين فورماتتا ٶتەدٸ. كوميسسيياسىنىڭ مٷشەلەرٸنە كانديداتتاردىڭ تەرەڭ سۇحباتىنىڭ نەتيجەلەرٸ بويىنشا قىسقاشا ەسەپتەر ۇسىنىلادى», - دەپ جازدى ەرحان تاتكەن Facebook-تەگٸ پاراقشاسىندا.
كوميسسييا قۇرامىنا مەملەكەتتٸك ورگاندار مەن قر پرەزيدەنتٸ ەكٸمشٸلٸگٸنٸڭ قۇرىلىمدىق بٶلٸمشەلەرٸنٸڭ باسشىلارى كٸردٸ. كوميسسييا وتىرىسىنا بايقاۋشىلار رەتٸندە قوعام جەنە باق ٶكٸلدەرٸ شاقىرىلدى.
«ساراپشىلىق كوميسسييا وتىرىسىنىڭ قورىتىندىسى بويىنشا 65 كانديداتتان اسپايتىن تٸزٸم جاسالادى, ولار ۇلتتىق كوميسسييا وتىرىسىنىڭ قاراۋىنا ۇسىنىلادى. ٸرٸكتەۋ قورىتىندىسى بويىنشا 50 كانديدات رەزەرۆكە ەنگٸزٸلەدٸ. پرەزيدەنتتٸك جاستار كادر رەزەرۆٸنٸڭ ماقساتى - قوعامدىق جەنە مەملەكەتتٸك مٷددەلەردٸ باسشىلىققا الاتىن جاس تالانتتاردى انىقتاۋ», - دەدٸ باسپاسٶز حاتشىسى.
