Jýyrda elimizde Prezidenttik jastar kadr reverine jańa úmitkerlerdi irikteý kezeńi bastalady. Osy oraida ekinshi kezeń úmitkerlerine qandai talaptar qoiylady, olar qandai synnan ótip, tapsyrmalar neshe kezeńnen turady? Bul suraqtarǵa QR Prezidenti janyndaǵy Memlekettik basqarý akademiiasynyń rektory Erlan Ábil jaýap berdi, dep habarlaidy QazAqparat.
«Úmitkerlerdi irikteý 5 kezeńnen turady jáne ol biyl qazan-jeltoqsan ailarynda ótedi. Ár kezeńnen keiin úmitkerler iriktelip, tiisinshe olardyń sany azaiyp otyrady. Birinshi kezeń – mátindik jáne sandyq aqparatpen jumys isteý qabiletin baǵalaý. Bul kezeńnen barlyq úmitkerler ótýi tiis jáne kelesi kezeńge eń kóp ball jinaǵan úmitkerlerdiń 50%-y jiberiledi. Testileýden tapsyrý tilin úmitker óz betinshe tańdaidy, test 25 suraqtan turady jáne olarǵa jaýap berýge 25 minýt ýaqyt beriledi. Testileý aiaqtalǵan soń onyń nátijesi úmitkerdiń jeke kabinetinde jariialanady. Aityp ótetin jait, tapsyrmanyń nátijesi avtomatty túrde júzege asyrylady iaǵni adamnyń qatysy joq. Eger birneshe úmitkerdiń testileý nátijesi teń bolǵan jaǵdaida másele Ulttyq komissiiayń talqysyna túsedi», - dedi Erlan Ábil OKQ-de onlain ótken baspasóz máslihatynda.
Onyń aitýynsha, ekinshi kezeńde úmitkerlerge sitýatsiialyq tapsyrmalar beriledi. Onda úmitkerler QR 2025 jylǵa deiingi Ulttyq damý josparyna sáikes taqyryptyq baǵytty tańdap, sol boiynsha tapsyrmany oryndaidy. Tapsyrmany oryndaýǵa 45 minýt beriledi jáne onyń jaýaby 500 sózden aspaýy tiis.
«Úmitkerdiń quzyrettiligin baǵalaý kezeńine 250-den artyq adam shaqyrylmaidy. Arnaiy tirkeýden ótkennen keiin úmitkerler baǵalaýdyń eki túrinen – assesment-ortalyqta oflain formattaǵy jáne onlain formattaǵy quzyretter boiynsha suhbattan ótedi. Bul kezeń úmitkerlerdiń boiynda kelesidei quzyretterdi anyqtaýǵa jáne baǵalaýǵa baǵyttalǵan: strategiialyq oilaý, proaktivtilik, sendire bilý, qyzmetti basqarý, komandalyq kóshbasshylyq. Assesment-ortalyqtyń nátijesi boiynsha árbir úmitkerge qysqasha esep jasalyp, ol 20 jumys kúninen keshiktirilmei úmitkerlerdiń jeke kabinetinde ornalastyrylady. Quzyretter boiynsha onlain suhbatqa úzdik nátije kórsetken 125-ten aspaityn úmitker jiberiledi», - deidi ol.
Rektordyń málimdeýinshe, onlain suhbat úmitkerlerdiń ishki ynta-jigerin jáne qundylyq baǵdarlaryn aiqyndaityn quzyretterdi anyqtaýǵa baǵyttalady.
«Irikteýdiń kelesi kezeńi sarapshylyq komissiiaǵa aldyńǵy syndarda eń úzdik nátije kórsetken 100-den aspaityn úmitker jiberiledi. Onda kandidattarmen áńgimelesý onlain nemese oflain túrde ótedi. Sarapshylyq komissiia otyrysynyń qorytyndysy boiynsha 65 úmitkerden aspaityn tizim jasalyp, ol Ulttyq komissiia otyrysynda qaraýǵa usynylady. Ulttyq komissiia otyrysynyń qorytyndysy boiynsha 50-den aspaityn úmitkerdi rezervke alý týraly sheshim qabyldanady», - dedi E. Ábil.
