جۋىردا ەلٸمٸزدە پرەزيدەنتتٸك جاستار كادر رەۆەرٸنە جاڭا ٷمٸتكەرلەردٸ ٸرٸكتەۋ كەزەڭٸ باستالادى. وسى ورايدا ەكٸنشٸ كەزەڭ ٷمٸتكەرلەرٸنە قانداي تالاپتار قويىلادى, ولار قانداي سىننان ٶتٸپ, تاپسىرمالار نەشە كەزەڭنەن تۇرادى? بۇل سۇراقتارعا قر پرەزيدەنتٸ جانىنداعى مەملەكەتتٸك باسقارۋ اكادەميياسىنىڭ رەكتورى ەرلان ەبٸل جاۋاپ بەردٸ, دەپ حابارلايدى قازاقپارات.
«ٷمٸتكەرلەردٸ ٸرٸكتەۋ 5 كەزەڭنەن تۇرادى جەنە ول بيىل قازان-جەلتوقسان ايلارىندا ٶتەدٸ. ەر كەزەڭنەن كەيٸن ٷمٸتكەرلەر ٸرٸكتەلٸپ, تيٸسٸنشە ولاردىڭ سانى ازايىپ وتىرادى. بٸرٸنشٸ كەزەڭ – مەتٸندٸك جەنە ساندىق اقپاراتپەن جۇمىس ٸستەۋ قابٸلەتٸن باعالاۋ. بۇل كەزەڭنەن بارلىق ٷمٸتكەرلەر ٶتۋٸ تيٸس جەنە كەلەسٸ كەزەڭگە ەڭ كٶپ بالل جيناعان ٷمٸتكەرلەردٸڭ 50%-ى جٸبەرٸلەدٸ. تەستٸلەۋدەن تاپسىرۋ تٸلٸن ٷمٸتكەر ٶز بەتٸنشە تاڭدايدى, تەست 25 سۇراقتان تۇرادى جەنە ولارعا جاۋاپ بەرۋگە 25 مينۋت ۋاقىت بەرٸلەدٸ. تەستٸلەۋ اياقتالعان سوڭ ونىڭ نەتيجەسٸ ٷمٸتكەردٸڭ جەكە كابينەتٸندە جارييالانادى. ايتىپ ٶتەتٸن جايت, تاپسىرمانىڭ نەتيجەسٸ اۆتوماتتى تٷردە جٷزەگە اسىرىلادى ياعني ادامنىڭ قاتىسى جوق. ەگەر بٸرنەشە ٷمٸتكەردٸڭ تەستٸلەۋ نەتيجەسٸ تەڭ بولعان جاعدايدا مەسەلە ۇلتتىق كوميسسيياىڭ تالقىسىنا تٷسەدٸ», - دەدٸ ەرلان ەبٸل وكق-دە ونلاين ٶتكەن باسپاسٶز مەسليحاتىندا.
ونىڭ ايتۋىنشا, ەكٸنشٸ كەزەڭدە ٷمٸتكەرلەرگە سيتۋاتسييالىق تاپسىرمالار بەرٸلەدٸ. وندا ٷمٸتكەرلەر قر 2025 جىلعا دەيٸنگٸ ۇلتتىق دامۋ جوسپارىنا سەيكەس تاقىرىپتىق باعىتتى تاڭداپ, سول بويىنشا تاپسىرمانى ورىندايدى. تاپسىرمانى ورىنداۋعا 45 مينۋت بەرٸلەدٸ جەنە ونىڭ جاۋابى 500 سٶزدەن اسپاۋى تيٸس.
«ٷمٸتكەردٸڭ قۇزىرەتتٸلٸگٸن باعالاۋ كەزەڭٸنە 250-دەن ارتىق ادام شاقىرىلمايدى. ارنايى تٸركەۋدەن ٶتكەننەن كەيٸن ٷمٸتكەرلەر باعالاۋدىڭ ەكٸ تٷرٸنەن – اسسەسمەنت-ورتالىقتا وفلاين فورماتتاعى جەنە ونلاين فورماتتاعى قۇزىرەتتەر بويىنشا سۇحباتتان ٶتەدٸ. بۇل كەزەڭ ٷمٸتكەرلەردٸڭ بويىندا كەلەسٸدەي قۇزىرەتتەردٸ انىقتاۋعا جەنە باعالاۋعا باعىتتالعان: ستراتەگييالىق ويلاۋ, پرواكتيۆتٸلٸك, سەندٸرە بٸلۋ, قىزمەتتٸ باسقارۋ, كوماندالىق كٶشباسشىلىق. اسسەسمەنت-ورتالىقتىڭ نەتيجەسٸ بويىنشا ەربٸر ٷمٸتكەرگە قىسقاشا ەسەپ جاسالىپ, ول 20 جۇمىس كٷنٸنەن كەشٸكتٸرٸلمەي ٷمٸتكەرلەردٸڭ جەكە كابينەتٸندە ورنالاستىرىلادى. قۇزىرەتتەر بويىنشا ونلاين سۇحباتقا ٷزدٸك نەتيجە كٶرسەتكەن 125-تەن اسپايتىن ٷمٸتكەر جٸبەرٸلەدٸ», - دەيدٸ ول.
رەكتوردىڭ مەلٸمدەۋٸنشە, ونلاين سۇحبات ٷمٸتكەرلەردٸڭ ٸشكٸ ىنتا-جٸگەرٸن جەنە قۇندىلىق باعدارلارىن ايقىندايتىن قۇزىرەتتەردٸ انىقتاۋعا باعىتتالادى.
«ٸرٸكتەۋدٸڭ كەلەسٸ كەزەڭٸ ساراپشىلىق كوميسسيياعا الدىڭعى سىنداردا ەڭ ٷزدٸك نەتيجە كٶرسەتكەن 100-دەن اسپايتىن ٷمٸتكەر جٸبەرٸلەدٸ. وندا كانديداتتارمەن ەڭگٸمەلەسۋ ونلاين نەمەسە وفلاين تٷردە ٶتەدٸ. ساراپشىلىق كوميسسييا وتىرىسىنىڭ قورىتىندىسى بويىنشا 65 ٷمٸتكەردەن اسپايتىن تٸزٸم جاسالىپ, ول ۇلتتىق كوميسسييا وتىرىسىندا قاراۋعا ۇسىنىلادى. ۇلتتىق كوميسسييا وتىرىسىنىڭ قورىتىندىسى بويىنشا 50-دەن اسپايتىن ٷمٸتكەردٸ رەزەرۆكە الۋ تۋرالى شەشٸم قابىلدانادى», - دەدٸ ە. ەبٸل.
