Tótenshe jaǵdai kezinde jumyssyz qalǵan azamattarǵa arnalǵan áleýmettik 42500 teńge tólemdi Túrkistan oblysynda 386 239 azamat alyp úlgerdi. Bul týraly Óńirlik kommýnikatsiialar qyzmetinde oblystyq memlekettik áleýmettik saqtandyrý qory AQ filialy direktorynyń mindetin atqarýshy Dáýren Baiyrbekov málimdedi, dep habarlaidy QazAqparat.
Óńirde búgingi tańda 522 096 turǵynnyń ótinishi tirkelip, 434 598 azamatqa tólem taǵaiyndalǵan. Sondai-aq, 42500 teńge tólemdi stýdentter de alǵan.
«Eger stýdent bos ýaqytynda jumys istep, resmi túrde zeinetaqy júrgizgen bolsa, járdemaqy alýǵa múmkindigi bar. Sondai-aq, stýdent azamattyq-quqyqtyq shart boiynsha jumys istegen bolsa jáne stýdentke jumys berýshi tarapynan áleýmettik jarnalar tólengen bolsa, sondai-aq beiresmi ózin-ózi jumyspen qamtyǵan azamat retine biryńǵai jiyntyq tólem jasasa, járdemaqyǵa úmitker bola alady. Al bala kútimine bailanysty dekrettik demalystaǵy áielderge balasy 1 jastan asqannan keiin ǵana 42500 teńge taǵaiyndalady. Bul azamatshalar ótinish berý aldynda biryńǵai jiyntyq tólem jasaýy tiis», - dedi oblystyq jumyspen qamtýdy úilestirý jáne áleýmettik baǵdarlamalar basqarmasynyń basshysy Ásiia Temirbaeva.
Basqarma basshysynyń aitýynsha, tótenshe jaǵdai sozylǵan ai saiyn tólem júretin bolady. Sondai-aq, járdemaqyny alý úshin ai saiyn biryńǵai jiyntyq tólem jasaýdyń qajeti joq.
.jpeg)