Nur-Sultan qalasynda 243,5 myńnan astam turǵyn 42,5 myń teńge áleýmettik tólem aldy, dep habarlaidy "Ult aqparat" qala ákimdigine silteme jasap.
Memleket basshysynyń tapsyrmasy boiynsha Nur-Sultan qalasynda tótenshe jaǵdai kezinde tabysyn joǵaltqan azamattarǵa áleýmettik kómek kórsetý jalǵasýda.
«24 sáýirge deiin 42,5 myń teńge kóleminde áleýmettik kómekti 243,5 myń adam aldy. Áleýmettik tólemge 594,5 myńnan astam adam ótinish berdi. 238 myń ótinim keri qaitaryldy», dedi qala ákiminiń orynbasary Baqtiiar Máken.
«Karantin kezinde jumysynan aiyrylǵan azamattar úshin 42,5 myń teńge tóleýge qatysty jaǵdai bizge 35 myńnan astam adamnyń 16 myńnan astamyn ózektendirýge múmkindik berdi,. Olar qalada tirkelgen, jeke sektorda jumys jasaǵan, biraq eshqandai qyzmetterde esepke alynbaǵan», – dep atap ótti B.Máken.
Onyń aitýynsha, 30,3 myńnan astam qala turǵyny halyqtyń osal toptaryna áleýmettik kómek kórsetý aiasynda azyq-túlik-turmystyq jiyntyǵyn satyp alýǵa qosymsha tólem berilgen.
«Biz birgemiz» aktsiiasy aiasynda Elbasynyń bastamasymen 19 naýryz ben 23 sáýir aralyǵynda Nur-Sultan qalasynda halyqtyń áleýmettik jaǵynan osal toptarynyń 14 478 otbasyna Nur Otan partiiasynan 50 myń teńgeden áleýmettik kómek kórsetildi.
«Qazir halyqtyń áleýmettik osal toptaryn qoldaýdyń ekinshi tolqyny iske qosylýda. 28 myńnan astam qala turǵynyna materialdyq kómek kórsetiledi. Partiia, biznesmender jáne basqa da azamattar 10 495 azyq-túlik sebetti taratty. Naýryz aiynyń sońynan búginge deiin bir jarym millionǵa jýyq antiseptik pen maska bólindi. Jalpy, qalada túrli áleýmettik is-sharalarǵa qalalyq shtabtyń 500 eriktisi tartyldy», – dep atap ótti Nur-Sultan qalasy ákimniń orynbasary.
Sondai-aq ol biznesmenderge, metsenattar men eriktilerge «Biz birgemiz!» aktsiiasyna qatysqandary úshin alǵys bildirdi.
