Aqmola oblysynda 51 myńnan astam adam kommýnaldyq qyzmetter úshin 15 myń teńge ótemaqy alady, dep habarlaidy "Ult aqparat" oblystyq ishki saiasat basqarmasyna silteme jasap.
Vedomstvonyń málimetinshe, mundai kómekke azamattardyń 7 canaty qol jetkize alady. Olar 1, 2, 3 toptaǵy múgedekter, múgedek bala tárbielep otyrǵan otbasylar, kópbalaly otbasylar, memlekettik mindetin oryndaý kezinde kóz jumǵandar, soǵys ardagerleri men múgedekteri, jáne olarǵa teńestirilgen tulǵalar, eń tómeńgi zeinetaqy alatyn zeinetkerler, ataýly áleýmettik kómek alatyn azamattar, onyń ishinde jalǵyz basty ardagerler.
Osy kriterilerge sáikes, oblystyń 51 257 turǵyny kommýnaldyq qyzmetter úshin 15 myń teńge ótemaqy alady. Kommýnaldyq qyzmetter úshin ótemaqy qarajaty birden tutynýshylardyń jeke shotyna aýdarylady.
«Kommýnaldyq qyzmetter boiynsha shyǵyndy óteý úshin tutynýshylar aqparattyq júie arqyly ótinish beredi, eger ol bolmasa jergilikti atqarýshy organdardaǵy call-ortalyq arqyly jeke sáikestendirý nómiri, áleýmettik statýsy jáne jeke shoty málimetin usynýy arqyly júzege asyrylady. Qazirgi kezde, ótinishterdi qabyldaý máselesi sheshilýde», - dep atap ótti oblystyq jumyspen qamtýdy jáne áleýmettik baǵarlamalardy úilestirý basqarmasyndaǵylar.
Aita keteiik, QR Indýstriia jáne infraqurylymdyq damý ministrligi tótenshe jaǵdai kezinde karantin rejimi engizilgen aýmaqtardaǵy eldi mekenderge kommýnaldyq qyzmetterdi jetkizip berýshilerdiń shyǵyn óteýdiń erejesin bekitken bolatyn.
