Qazaqstan Respýblikasy Prezidenti Is Basqarmasy Meditsinalyq ortalyǵy Aýrýhanasynyń direktory Ámir Amantaiuly dúnie saldy. Bul týraly QR Prezidentiniń Is Basqarmasy habarlaidy.
Ámir Amantaiuly Is Basqarmasynyń júiesinde 10 jyldan astam ýaqyt eńbek etti. Ár jyldarda «Almaty» jáne «Oqjetpes» sanatoriileriniń, Ortalyq klinikalyq aýrýhanasynyń, Meditsinalyq ortalyq aýrýhanasynyń basshysy qyzmetterin atqardy.
Ámir Amantaiuly Meditsina ǵylymdarynyń doktory, Qazaqstan Respýblikasy Ulttyq Ǵylym Akademiiasynyń qurmetti múshesi, Resei Jaratylystaný ǵylymdary akademiiasynyń professory. Sondai-aq ol ǵalymdar tobynyń quramynda bolyp, uzaq ómir súrý jolyndaǵy ázirlemesi úshin Qazaqstan Respýblikasynyń ál-Farabi atyndaǵy ǵylym men tehnika salasyndaǵy 2017 jylǵy memlekettik syilyqtyń laýreaty atandy.
.jpeg)