«Nur Otan» partiiasy «Jas Otan» jastar qanatynyń tóraǵasy Dáýlet Káribek Prezidenttik jastar kadr rezervi týraly pikir bildirdi, dep habarlaidy QazAqparat.
«Prezidenttik kadrlyq rezerv eń aldymen memlekettik apparattyń jańǵyrýyna, oǵan jańasha dem berýine, jańasha qalyptasýyna jasalǵan naqty qadamdardyń biri dep oilaimyn. Bul jerde rezervke ótken 300 adamnyń taǵaiyndalýy emes, basty maqsat - memleketshil, otanshyl jastardyń ótiline qaramai, memlekettik ideiany júzege asyrýyna, memlekettik qyzmet isterine aralasýyna múmkindik berý», - dedi D. Káribek QazAqparat tilshisine bergen suhbatynda.
Spiker Prezidenttik kadr rezervine irikteý kezeńderi týraly aityp berdi.
«Bastapqy kezeńderi qiyn boldy, verbaldy test ońai bolǵanymen, matematikalyq testti kúnde jasap júrmegendikten qiynǵa soqty. Kelesi kezeńderde daiyndyqty kúsheitip, ózimizdi jan-jaqty kórsetýge tyrystyq. Bul rezervti jastarǵa arnalǵan chellendj dep túsinýge bolady. Iaǵni, syn-qater maǵynasynda emes, baǵyndyrar beles dep aitýǵa bolady. Kei synaqtar oiyn túrinde ótti, aqparattyq joba qorǵadyq. Árbir tapsyrǵan testimizdiń beinekameraǵa jazylýy da irikteýdiń ashyqtyǵyn, ádildigin kórsetti. Osylaisha, úmitkerler árbir kezeńde túrli múmkindikterin kórsete aldy», - dedi D. Káribek.
Aita keteiik, búgin Ortalyq kommýnikatsiialar qyzmetindegi baspasóz máslihatynda QR Prezidenti Ákimshiligi Basshysynyń orynbasary Máýlen Áshimbaev Prezidenttik jastar kadr rezervine engen 300 qazaqstandyqtyń anyqtalǵanyn málimdedi. Jeńimpazdardyń ortasha jasy 31-de.
.jpeg)