Prezidenttiń jastar kadr rezerviniń múshesi Nurbek Serikov «TKSh QazOrtalyǵy» AQ Basqarma tóraǵasynyń orynbasary bolyp taǵaiyndaldy. Bul jóninde Indýstriia jáne infraqurylymdyq damý ministrliginiń baspasóz qyzmeti habarlady.
«Buǵan deiin ol QR Indýstriia jáne infraqurylymdyq damý ministrligi Qurylys jáne turǵyn úi-kommýnaldyq sharýashylyq isteri komitetiniń kommýnaldyq sharýashylyq basqarmasynyń basshysy bolyp jumys istedi» dep málim etti ministrlik.
Nurbek Nurjanuly Serikov 1989 jyly Qaraǵandy oblysy, Balqash qalasynda dúniege kelgen.
Bóketov atyndaǵy Qaraǵandy memlekettik ýniversitetin, Tiýmen qalasyndaǵy Soltústik Oral memlekettik agrarlyq ýniversitetin jáne QR Prezidenti janyndaǵy Memlekettik basqarý akademiiasyn bitirgen.
