Prezidenttik kadrlyq rezerv múshelerin jumysqa ornalastyrý ǵana emes, ózara sapalandyrý da mańyzdy. Bul pikirdi QR Prezidentiniń kómekshisi Erlan Qarin Prezidenttik jastar kadrlyq rezervi forýmynda málim etti, dep habarlaidy QazAqparat.
Onyń aitýynsha, búgingi forým rezervshilerdiń bastamasymen uiymdastyrylǵan.
«Búgingi kezdesý – bizdiń jas áriptesterimizdiń uiymdastyrýshylyq kúsh-jigeriniń nátijesi, bul Prezidenttik kadr rezervine shyn máninde belsendi jastar jinalǵanyn taǵy da dáleldeidi. Prezidenttik kadrlyq rezerv belsendi damyp keledi. Kadr rezerviniń ishinde de deńgeiles bailanystardyń damyp jatqany meni qatty qýantady. Árdaiym rezervtiń ishinde talqylaýlar, pikirtalastar bar ekenin kóremin. Bizdiń jas áriptester únemi kezdesedi, bastamalar kóteredi», - dep atap ótti E. Qarin elordada EKSPO kesheninde ótip jatqan forýmda.
Prezident kómekshisi sońǵy ýaqytta rezervshiler tarapynan túrli taldamalyq materialdar, usynymdar túse bastaǵanyn basa aitty.
«Bul rezervisterdiń uiymdastyrýshylyq áleýeti de, ziiatkerlik áleýeti de zor ekenin taǵy da kórsetedi. Bizdiń mindetimiz – tek jumysqa ornalastyrý ǵana emes, biz úshin eń bastysy, ózara sapalandyrýdyń turaqty protsesi bolýy tiis», - dedi Erlan Qarin.
